澳瑪葡國菜 (已結業)

星期日约左朋友系海港城食lunch倾计，原本约左去既餐厅太多人排队，于是就周围行下睇下，见到呢间无人排，二话不说就入左去。里面既环境真系唔错，枱与枱之间既距离好足够，唔会听到隔离枱人讲野既内容，好适合同朋友倾计。而且有无敌海景，个日天气又好，光线充足，整体感觉好舒服。环境好，同朋友倾计都倾得特别起劲，所以唔记得影食物相😝三个人叫左三个菜。左面既系红菜头沙律，红菜头系一种好健康既食物，有劲多抗氧化剂，好健康，而呢个沙律汁清清地，好配合d蔬菜。中间系餐包，无咩特别，一般餐包。右面既系柠檬白酒煮青口，青口几大只, 味道都唔错，几鲜甜。我地仲叫左个西班牙海鲜饭，但无影到相，而味道道一般般，。整体黎讲，食物ok👌🏻，价钱都唔便，环境就好舒适👍🏻。