影片
更多
2024-06-29
685 浏览
今日（29-6-2024 Sat）喺屋企整完嘢，落荃湾买啲菜，经过民丰（https://www.openrice.com/zh/hongkong/r-%E6%B0%91%E8%B1%90%E7%B2%89%E9%BA%B5%E8%A1%8C-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r16540）时都见到有人排队买糯米糍，不过条龙已经唔系好长，但我觉得都要排半个钟，而老公今朝又send咗条link畀我，话呢间嘢都有开心果榛子糯米糍卖，而且系$12.00一个，$38.00四个，于是我就决定试咗呢间先。嚟到时好快揾到， 食开民丰嘅都知佢嘅糯米糍大大个（ 但其实近年都已经缩咗水），而呢间就明显好细个，不过算啦，都行到嚟喇，人哋系商场舖有冷气 ，贵啲都啱嘅 ，而佢同价钱嘅有四只味，系榛子脆脆，开心果同草莓脆脆；平啲$7.00一个，$26.00四个嘅有红豆，花生同黑芝麻；芒果糯米糍就$8.00一个，$30.00四个。咁我用$38.00买两个开心果，榛子脆脆同草莓脆脆各一个啦。买完收银提示
嚟到时好快揾到， 食开民丰嘅都知佢嘅糯米糍大大个（ 但其实近年都已经缩咗水），而呢间就明显好细个，不过算啦，都行到嚟喇，人哋系商场舖有冷气 ，贵啲都啱嘅 ，而佢同价钱嘅有四只味，系榛子脆脆，开心果同草莓脆脆；平啲$7.00一个，$26.00四个嘅有红豆，花生同黑芝麻；芒果糯米糍就$8.00一个，$30.00四个。
咁我用$38.00买两个开心果，榛子脆脆同草莓脆脆各一个啦。
买完收银提示拎到返去要雪住。
返到去影完相，
先唔雪住， 以免影响口感就先食两个，先食开心果同榛子脆脆，
打开度，
有2.5厘米到高，直径5.5厘米，切开时都feel到两个都系脆嘅，见到糯米糍皮系好薄，细粒嘅馅料好饱满。
我先食开心果，呢个味道好浓郁，亦都好脆口，甜度都啱啱好，但由于软熟嘅糯米皮太薄，所以其实我都觉得冇乜糯米糍feel。
榛子脆脆呢，固然之佢都系脆，而榛子味都系好浓郁，亦唔算好甜，系有啲甘味，几好味。
过咗一段时间先至再食埋另外雪咗𠮶两个开心果同草莓脆脆，
切开睇到，草莓有啲粒粒，
应该就系脆脆嘅来源，我觉得呢个味道都系正常嘅，口感亦都一样，竟然雪过个糯米皮都冇受影响。
觉得呢度嘅味道系唔错，不过草莓咁普通就可以唔使试，但系就真系冇乜食糯米糍嘅感觉， 或者个糯米皮要做返厚啲（？）
味道系4.5分， 环境同服务系3.5分， 抵食系2.8分
张贴
