九重鮮 (已結業)

之前有个朋友介绍我食九重鲜呢一个 家用版海鲜串烧放题， 适逢老友生日 限聚令又未解封 咁就买返屋企试下啦 三四个人唔大食应该都够嘅， 其实真系好方便乜都唔使洗 返到嚟开嚟就食得 仲要有埋生蚝😍😍 都系六百零蚊 望就觉得几抵食 当然对于我哋嚟讲味度先系最重要😋先讲下海鲜有啲乜先，有海虾，蚬同埋六只蚝， 完全估佢唔到海虾好鲜甜 蚬都好新鲜，但系讲到出色蚝真系好好食， 海水味浓👍🏻👍🏻👍🏻， 串烧就少少地每样两串，但系都好新鲜， 尤其是泰式串烧 ，猪梅肉 ，猪颈肉 ，牛柳头，牛脷，墨鱼须 ，京葱牛肉串， 金菇芝士肥牛卷 翠玉瓜猪肉串， 泡菜猪肉串， 全部都肉质 松软 唔痴牙， 肉味好够 食得出系新鲜食材， 呢个餐仲有其他， 韩式泡菜都好够味道 唔会太辣 但系好开胃 另一出色之作 估佢唔到 滋味咖哩牛肉饭居然咁好味 用嘅系珍珠米 咖哩香浓度好出色， 令我再三回味 再饮埋杯红酒简直完美