明記黑山羊專門店

营业中

休息中

观塘周围都系黄店，太多嘢食较迟都唔知食咩好。自己就好钟意食汤面，食来食去都系三哥好闷，好在今日嚟到观塘，可以试吓呢间黑山羊米线，本来想食溶记㗎，点知原来已经做唔住执左，所以真系要支持多啲呢啲好食嘅小店。趁今日放半日假有时间，特登过咗晏昼peak hours先去食，啱啱好人流开始散，可以慢慢坐下。叫左个三𩠌米线，牛腩、菜脯蛋同酿豆腐，四十蚊货仔啲野食又几多㖞，完全唔系𠮶啲颓废车仔面，佢个蛋同豆腐都系有手工既食物，唔错唔错。牛腩系潮式粉面既味道！$40三个有𩠌都唔系颓𩠌，仲要系观塘市中心真心冇得输！加冻热饮都系六蚊，下午茶时段仲要送野饮，喂究竟咁平有冇钱赚架，好过份！今日试完，呢间绝对已经成为左我去观塘嘅饭堂。