意樂餐廳 (香港仔中心)

营业中

休息中

母亲节正日食饭，虽然唔系庆祝母亲节，同朋友食个饭啫，不过都几怕无位，难得呢间竟然唔使等位，就入咗嚟啦。有朋友完全唔食面粉类嘅，唯有全部拣饭啰，都无咩所谓，都系食得好开心嘅，4个人叫咗4个餐，share来食。葡汁鸡皇焗饭 $68（套餐包餐汤+饮品）原来系套餐，好抵食，有汤有饮品，餐汤应该系忌廉汤，好浓滑，奶茶都唔错。个饭都几多芝士，好香。一口黑椒牛柳粒 配 珍珠饭 $70呢个好正，黑椒好惹味，牛柳粒好有咬口，不过我唔可以食太多，因为唔知点解我唔太适应黑椒嘅辣味，个人觉得比较辣。不过因为太惹味，令人食完想再食。脆炸鱼柳滑蛋盖饭 配 西西里茄汁 $60我最钟意呢碟，酸咪咪好开胃，鱼柳就炸到外脆内嫩，无骨落地就最好啦，滑蛋都唔错，半生熟好有蛋味。蒜香猪滑蛋盖饭 配 西西里茄汁 $60都系西西里汁，酸甜酸甜，猪扒好淋，我就唔系咁钟意，喜欢有咬口多啲。