串Grill 自助燒烤專門店 (廣華街) (已結業)

一早book咗位食懒人烧嘢食，咩叫懒人烧嘢食，就系咩都唔使做就可以食到嘅烧嘢食，放啲串烧喺上边，跟住就会自己转动转动转动…开头觉得好似好耐先熟，等好耐..不过过咗几分钟过路开始热，都好快就熟，同埋又将时间表，每一串要烧几耐几多分钟都会列晒出嚟，唔怕过熟同埋唔怕太生。重点啊梗系要讲一讲个酱油啦，佢有三个酱，有泰式鱼露，韩式梨汁执烧烤，同埋普通烧烤酱。仲有四樽调味粉，秘制辣粉，孜然粉，椒盐粉，海盐。我觉得啲肉查咗烧烤酱，跟住再落孜然粉系最好食嘅，好入味，提升左肉嘅味道。不得不提就系翠玉瓜，烧翠玉瓜非常之外脆多汁，Juice到爆，同埋食得多肉食下瓜可以中和一下，可以再战肉肉串😂😂最后食埋雪糕就好Perfect啦，系Häagen-Dazs嘅朱古力味呀。