會長之家烤肉

营业中

休息中

见到有烤鳗鱼食，唔想北上就黎呢间试下。嗌咗4样食物:酱油虾，和牛一碟，普通牛肉一碟，同半条鳗鱼。半条鳗鱼份量好多，$288都合理，不过如果可以提供埋紫菜包住黎食就更好。和牛唔好食，虽然厚但要𡁻好耐。反而普通牛肉因为薄片，快熟又几好食。酱油虾朋友食，话都好食。但呢间真系唔会encore，因为间舖抽风系统好唔得。我哋2个人，店员安排我哋坐角落位，空气唔够流通+冷气亦唔多够大，我哋2个人开始烧咗15分钟左右，已经比啲烟焗到流眼水加咳，问店员有冇得开大啲冷气但店员表示已经开到最大。顶唔顺呢餐烤肉食左40分钟就埋单走左，要出去抖气，所以呢餐食得好急，亦都唔享受。