Taku

营业中

休息中

上环新开嘅呢一间日式轻食店，主打都系一啲盒装既料理。不过佢价钱真系偏贵，一个lunch都要差唔多$200，仲要唔包嘢饮。但系佢啲鱼生同埋寿司都有水准，𠮶日同朋友两个人去咗呢一度叫咗一盒沙律一盒寿司。佢个慢煮鸡胸沙律，配左只糖心蛋，至于鸡胸因为佢系慢煮嘅关系真系好滑，不过就真系唔系好值呢个价钱。始终去上环区都一定系贵啲。佢盒寿司每一件都算系有心机整，而且材料都算新鲜。不过最值得过嘅应该就系佢间餐厅嘅装修，好整洁好简约门口既位亦都好适合影相打卡！