影片
更多
2020-05-03
2010 浏览
餐厅其中一个卖点绝对系一览无遗嘅维港，对住个咁靓嘅景食饭，未开始食已经留下好印象。餐厅menu包括有A La Carte同Set Dinner。Set Dinner分别有$888 for 7 Courses同$1188 for 10 courses，而我就拣咗后者。👆🏻一开始侍应会送上焞热过嘅面包同牛油。虽然有只碟，但系食嘅过程难免会跌面包碎，搞到张枱好似好污糟，侍应并没有留意到呢一点，要叫佢地先扫干净。餐厅系行高级嘅路线，应该每个细节都要留意清楚，有待改善！👆🏻Amuse Bouche右面萤光鱿鱼肉质软腍，一入口满口鲜香味。配上牛油果🥑酱，味道非常夹。左面用上红菜头做嘅cone非常脆口，里面有带子tartate配上泰式酱汁，上面用上柠檬🍋foam，作为头盘小食绝对会对之后嘅菜式有期待嘅感觉！👆🏻Seasonal Vegetables 唔系好记得咩味🌝👆🏻Roasted Short Neck Clam with Caviar & Garlic Form贵妃蚌肉质非常肥美，味道鲜甜！用咗日式煮法，贵妃蚌吸收哂牛油同日本清酒嘅香气，鲜甜度更上一层楼。配上法国鱼子酱同香蒜泡沫，完完全全充斥着
餐厅menu包括有A La Carte同Set Dinner。Set Dinner分别有$888 for 7 Courses同$1188 for 10 courses，而我就拣咗后者。
👆🏻一开始侍应会送上焞热过嘅面包同牛油。虽然有只碟，但系食嘅过程难免会跌面包碎，搞到张枱好似好污糟，侍应并没有留意到呢一点，要叫佢地先扫干净。餐厅系行高级嘅路线，应该每个细节都要留意清楚，有待改善！
👆🏻Amuse Bouche
右面萤光鱿鱼肉质软腍，一入口满口鲜香味。配上牛油果🥑酱，味道非常夹。
左面用上红菜头做嘅cone非常脆口，里面有带子tartate配上泰式酱汁，上面用上柠檬🍋foam，作为头盘小食绝对会对之后嘅菜式有期待嘅感觉！
👆🏻Seasonal Vegetables
唔系好记得咩味🌝
👆🏻Roasted Short Neck Clam with Caviar & Garlic Form
贵妃蚌肉质非常肥美，味道鲜甜！用咗日式煮法，贵妃蚌吸收哂牛油同日本清酒嘅香气，鲜甜度更上一层楼。
配上法国鱼子酱同香蒜泡沫，完完全全充斥着海洋嘅味道！
👆🏻Coconut Fish Maw, Abalone & Chicken Bisque with Slow Cooked Chicken Breast
虽然汤嘅材料系中式，但系煮出嚟嘅效果就好似忌廉汤咁，将中式汤融汇西式里面，真系有出人意表嘅味道！(唔该嚟一大碗呀🙈)
上碟嘅汤入面有花胶、鲍鱼、鸡胸肉。花胶滑，鲍鱼爽，鸡胸肉超级嫩，仲有椰子香，鲜甜到不得了！
👆🏻Apple Wood Smoked Organic Broccoli Royale with Hokkaido Sea Urchin
唔知系咪我影相影得太耐净系啲烟少，唔系好闻到Apple wood smoke lol
个人觉得上面啲西兰花嘅草青味好抢，几乎盖过北海道海胆嘅鲜味，觉得有啲嘥。反而底部嘅西兰花炖蛋好creamy同好滑，味道夹好多。
顺带一提，海胆杯非常精致，手感好薄好轻巧，仲令我谂起Yayoi Kusama个南瓜🌝
👆🏻Deep Fried Tilefish with Scales in Sicilian Sauce
鲷鱼皮超级脆口，但系肉质仍然保持到嫩滑入口即散嘅感觉，火候控制得非常之好！配上西西里蕃茄汁同Garlic Foam，简单配搭已经突出到主角嘅鲜味👍🏻
👆🏻Sichuan Clam Pasta with Chili Oil
呢个一定系全晚嘅spotlight，完完全全将中菜同法国菜融合！第一啖入口系香浓嘅川椒油，对于食得几辣嘅我完全感受唔到辣味，反而有一种香气同小小麻嘅感觉，非常惹味！用上菲律宾蚬肉，蚬肉鲜甜，配上蟹肉汁将鲜味再推高，不得不讲 Bravo 👏🏻👏🏻
👆🏻Seasonal Fruit Sorbet
呢个sorbet只系纯粹俾我清一清下个味蕾先再食main dish，但系我都觉得值得分享一下。首先要赞下餐厅拣咗呢款万寿无疆杯系几吸精，仲要用上Royal Blue劲抢眼，绝对啱我心水！
Passionfruit sorbet果香味超浓，酸甜又适中，其实有想食多个嘅意欲 lol
👆🏻Allspice Maltose French Pigeon with Shallot Puree
用上法国乳鸽，肉质弹牙同嫩口，外层扫咗浸麦芽糖烧香，所以食落口带微甜嘅味道。酱汁感觉有啲中式。我个人好欣赏Garlic Foam冋Shallot Puree，呢两样都系我好钟意嘅配菜，平时煮嘢一定会爆香呢两样嘢令成个𩠌更味道更浓郁！
👆🏻Dried Beancurd Mille Feuille with Dried Beancurd and Pearl Barley Sorbet
用腐皮主打做甜品好地度，有啲家嘅感觉。腐皮炸过所以特别香口松脆！雪糕系腐竹薏米糖水味，非常有趣，再配上液化氮分子士多啤梨同牛奶味雪糕粒营造仙气效果，打卡绝对一流。
张贴
