影片
更多
2011-02-23
43 浏览
一般食肆搞团购，都系当宣传，想短期内提高自己店舖嘅知名度，所以某程度我都相信佢哋会尽量俾出啲好嘢，等大家食过后有口皆碑，做好个名，争取更多客源，但凡事总有例外。对窝夫唔算特别好，反而钟情传统嘅格仔饼，我都系因团购关系，所以一试奥斯嘅产品，佢晌OR做团购，当时嘅宣传系咁样写：- 甜魔召集！$15平叹Ocio窝夫连雪糕（7种口味任你拣）- Ocio Waffle所用之素材经过严格挑选，绝不含任何人造香料，色素和牛油，保证绝对新鲜和低脂。享用时配以新鲜果酱和雪糕食用，口感倍觉清新特别，绝对是新世代健康食品的不二之选!- 味道可选：经典原味，绿茶味，全麦味，椰子味，红豆味，朱古力脆脆48% 及朱古力脆脆58% (原价$19-$33)小弟系赶在到期日前去食，是晚平日，客唔多，不过都要等一阵，话晒都即整嘛，原本团购系话有7种味道可拣，但依晚去到，佢已「张贴」通告只有4款可供选择。话原价值$19-$33，除非佢有供应白朱古力味同杂莓，否则，以佢所提供𠮶7种味道，最贵都系绿茶味（$30），其他都系廿几蚊，加$1多个雪糕球，顶多叫去到原价$31，虽然只系几蚊鸡之差，但对依间嘢做生意嘅态度有所保留。结果，
对窝夫唔算特别好，反而钟情传统嘅格仔饼，我都系因团购关系，所以一试奥斯嘅产品，佢晌OR做团购，当时嘅宣传系咁样写：
- 甜魔召集！$15平叹Ocio窝夫连雪糕（7种口味任你拣）
- Ocio Waffle所用之素材经过严格挑选，绝不含任何人造香料，色素和牛油，保证绝对新鲜和低脂。享用时配以新鲜果酱和雪糕食用，口感倍觉清新特别，绝对是新世代健康食品的不二之选!
- 味道可选：经典原味，绿茶味，全麦味，椰子味，红豆味，朱古力脆脆48% 及朱古力脆脆58% (原价$19-$33)
小弟系赶在到期日前去食，是晚平日，客唔多，不过都要等一阵，话晒都即整嘛，原本团购系话有7种味道可拣，但依晚去到，佢已「张贴」通告只有4款可供选择。话原价值$19-$33，除非佢有供应白朱古力味同杂莓，否则，以佢所提供𠮶7种味道，最贵都系绿茶味（$30），其他都系廿几蚊，加$1多个雪糕球，顶多叫去到原价$31，虽然只系几蚊鸡之差，但对依间嘢做生意嘅态度有所保留。结果，得𠮶4款选择后，小弟拣咗红豆窝夫配朱古力雪糕，外卖拎走食！以原价计，$24，依家团购价，就$15，叫做63折，确系平咗一截。不过，质素方面，个人觉得未对办。
平心而论，佢哋确系做得脆口，外脆内软，梗系啦，块窝夫做到纸咁薄，咁讲或许有少少夸张，唔好见佢出炉时件窝夫咁大件，但同我哋平时食开格仔饼嘅厚度，尤其格仔凹位部份，个夹阵真系好薄，格仔嘅格边就厚番啲。对我嚟讲，当一餐真系唔掂，佢做一份窝夫嘅粉浆我估都系格仔饼1/4嘅份量。卖相几好，大件窝夫切细后，淋上朱古力浆，再洒少少糖霜。味道，唔算太有蛋香，更重要系，我依个系红豆窝夫，究竟红豆晌边？就系晌个盒嘅死角位，兜雪糕遮住𠮶一小撮「豆沙」，好寒酸之余，佢系一撮硬实实嘅豆沙，用嚟整豆沙汤圆或者豆沙包嘅豆沙㖞。可能我一心以为系类似以前麦记嘅红豆新地咁，带有粒粒红豆嘅红豆浆淋晌窝夫上面度，又或以红豆做馅，夹晌窝夫里面，但食晒成盒都唔觉有，依家个感觉有好大落差。返嚟睇番食家们嘅食评，发现有人写过晌佢嘅红豆窝夫里面系有夹红豆馅，虽然好少，但确系有相为证，唔通太多团购客，佢哋越嚟越求其，越嚟越将货就价？我见近排嘅食评都系俾佢OK同喊面多，真系有每况愈下嘅情况。唔好话正价要$24我唔会帮衬，就算以$15嘅团购价，我都唔系太情愿，因为$15差唔多够买一底格仔饼咁滞，始终我都系钟意又甜又香嘅格仔饼。
写到依度，个朱古力雪糕都唔想多写，反正无嘢好讲！希望佢哋认真番啲，团购客又好，散客又好，好好对待每个客人，如果唔系真系风光一时，昙弹花一现。因为团购价，所以勉强俾个OK佢，普通，一试无妨！咁佢又唔系难食入唔到口，又未致于俾个喊面嘅。
张贴
