影片
更多
2009-12-27
30 浏览
数月前，因为星期日晚无人煮饭，所以决定试下屋企楼下开o左几个月果间『芝脆鸡』。好记得果次我夜晚 18︰ 已经o系铺头落 Order，叫o左个 $35 (自取 +$1) 焗阔条面套餐。落完 Order，收银员叫我行下先，四个字 (20 分钟) 后返o黎拎。于是我就o系商场逛o左四十分钟先再返去打算拎o野。点知，我行完八个字后返到去，店员话仲未焗好，叫我等多五分钟。点知我等o左十分钟，仲未有得拎。期间，我见有好多灶食o既焗阔条面都焗起，咁我再问店员到底系唔系漏单啦，店员坚称唔系，死都话系焗紧。但我问点解堂食系咁出，外卖就无，佢就只系话『做紧喇做紧喇﹗』﹗最后等到 19︰10，仍然乜都等唔到，最后，叫收银 VOID 单，去大家乐买个烧味饭都唔使等五分钟﹗ 今日，再一次屋企无人煮饭。始终唔信邪，再去多次呢间『芝脆鸡』度再叫外卖。今次同样系叫果个 $35 o既焗阔条面套餐。今次落单时间系 18︰50 左右，今次落完单，收银无话几耐先有得拎，我已经醒目问定佢，佢就答我五个字左右。咁我就o系商场行一阵，再返去佢门口打住机等拎o野啦﹗等到 19︰20，都未叫 Number，所以就问问店员仲要等几
今日，再一次屋企无人煮饭。始终唔信邪，再去多次呢间『芝脆鸡』度再叫外卖。今次同样系叫果个 $35 o既焗阔条面套餐。今次落单时间系 18︰50 左右，今次落完单，收银无话几耐先有得拎，我已经醒目问定佢，佢就答我五个字左右。咁我就o系商场行一阵，再返去佢门口打住机等拎o野啦﹗等到 19︰20，都未叫 Number，所以就问问店员仲要等几耐，店员入厨房行o左一转出返o黎，话『焗起o架喇，Pack 紧﹗』咁一心谂住几分钟内有得拎，所以企o系取餐处度等啦，点知，一等又系十分钟﹗于是又再问另一名店员啦，店员再入厨房再手问，问完出o黎话『唔好意义呀﹗你张单厨房做错o左做焗饭﹗如果唔介意要焗饭就等多五分钟，如果你要返阔条面就等多二十分钟啦﹗』于是我就同店员讲理，问佢点解头先店员 A 就同焗好， Pack 紧，而家就同我讲做错o左，就算我 Accept 要个焗饭都要等多五分钟？店员支吾以对，话可能系同事误会o左云云﹗最后，我再一次叫收银 VOID o左张单，去o左楼下麦当劳买个餐返屋企食……
除o左我之外，期间亦见有几张 Order 都系等o左好耐o既，有其他顾客都已经o系度鼓噪紧﹗而且我听到有人打电话o黎落单，送餐时间已经排到两个钟以后。而 D 电话客都不停打电话o黎摧﹗所以证明呢间『芝脆鸡』真系唔适合您赶时间时去食o既﹗如果您o既 Lunch 或者 Dinner Time 系预o左有二三四个钟的话，不妨可以试下 Order 呢间o野，叫完慢慢等﹗如果唔系的话，算数吧啦﹗同一商场内有好多更有效率o既快餐食店﹗
张贴