千両 (MOKO新世紀廣場)

营业中

休息中

本身想去旺角饮茶，点知太晏酒楼话无晒野食，只好转场，新世纪食肆林立，但个人问题好多唔想食，只好入左千両，而千両可说系贵版元气，同是美心集团，食既野好相似，唔似既系个价同环境，相比之下﹐元气好难唔多人排队！对于食既野好相似呢个讲法，都想知有几相似既，假期下昼，店内食客得几个人，好少人。 环境：地方大，日式格局，环境昏暗，几好坐既。 食物：果然系贵，但入得黎就照叫野食，叫左几个基本野，炸蚝、三文鱼寿司、玉子烧及软壳蟹手卷，三文鱼寿司好快黎左，其余既等左好耐都未有，追单之下佢地先发现漏左单，仲要黑面，一句唔好意思都无，咩料呀咁既态度!已经少客仲要漏单，漏单都算仲要黑面，无下次呀。 炸蚝，热辣辣，炸得㶶，口感硬，炸皮多，蚝细粒唔好食。 三文鱼寿司，同元气没差，味道无乜特别。 玉子烧，甜甜地既普通水准。 软壳蟹手卷，同元气没差，正常野。