Via Tokyo (已結業)

黎到尖沙咀，岩岩食完个正餐，又唔想咁快同难得见嘅朋友散，自然就系要揾甜品食下。见到门口都有人排，本住见到人龙，代表唔会伏嘅心，就入左去喇。餐厅比较少2人座，如果2个人黎，好大机会会同其他人一齐坐，格局都唔算大，如果想坐耐啲倾计嘅话，唔算系一个好选择。甜品方面，以绿茶雪糕为主打。咁自己就嗌左个黄豆粉白玉红豆抹茶雪糕，因为个雪糕可以转做培茶、绿茶或牛奶，自由拣两款mix,咁我当然唔执输，就拣左培茶同绿茶mix。一上台，人都呆左呆，个雪糕未免斜得太过分啦挂！斜足45度，见到个雪糕咁，已经有少少失望。讲番雪糕本身，培茶嘅香比较重，都仲食到茶味，但绿茶偏甜，但都唔算话差，但觉得一间专做绿茶雪糕嘅甜品铺，得咁嘅水准，就觉得真心麻麻喇。雪糕隔壁都有啲配料嘅，红豆做到起沙，加埋雪糕食，虽然有啲偏甜，但都系ok嘅。黄豆粉本身味就淡，加埋雪糕冇令佢突出左，都系同棉冰衬啲。之余白玉，可能系我本身就唔识欣赏嘅关系，觉得系一旧冇味嘅糯米团。友人果杯，冇咩点食就唔加以评价，但雪糕都系斜嘅。总括黎讲，性格比偏低，加上雪糕类嘅甜品，溶得快，要好快就食完，冇得坐得耐，本身就唔系一个好嘅下场选择。