平昌韓國BBQ (已結業)

平昌韩国BBQ今次黎到佐敦食野，呢排系咁俾社交网站洗板，好多人话芝士排骨好好食，咁我一于同朋友去试下啦！谁不知，食物普通唔抵食，仲要零服务！芝士排骨（$188）上枱后，等芝士溶到咁上下，就有员工帮手卷排骨，但某位女员工唔多熟手，一开始乱咁将芝士夹埋一旧再放系旧排骨上面就算，有其他员工见到就过黎帮手，好彩最后都卷返靓。讲返排骨，个样系几惹味，不过太辣，辣味完全盖过芝士味，另外，排骨既肉质亦唔嫩滑，但就够稔同易离骨。$188 （未加一）得三旧排骨，其实贵得离谱，完全唔值！食完有后悔既感觉！之后我地仲叫左全猪拼盘，味道普通，豪无特别，但价钱昂贵，好唔抵食我最想讲既系服务，全晚可以话系完全冇服务可言，啲店员十问九唔应，又黎错order，一开始啲食物黎哂，但冇烤pan，我地个个坐哂系度眼望望，想食都冇得食，等左几个字先黎个pan.....失望！