饕牛記 (已結業)

我系个嗜牛人，本住一试既心态黎（杂志既魔力真系大），点知一上去既感觉已经唔多好（我都有去开旺角或啲街边细档，绝对唔系啲咩上等嫌污秽既人），入到去个装修好似唔错，但感觉唔舒服，好格格不入咁。朋友已嗌左几款招牌野，谂住等食，啲调味料好多都无晒，叫人加左两次都无人理（大拿拿收$20位架）。嗌左四款牛，脖仁、肥饼、三花趾、吊龙伴，得吊龙伴叫做似样，其他街市买啲仲靓过佢，每碟得几块收成$8x，真系好唔抵。汤底系牛尾骨，有啲苦瓜、萝卜、粟米，讲到滚左要饮汤先咁紧要，一试，苦瓜水，完全无味可言，食到咁上下再饮，得个咸字。4条友，嗌左4碟牛、一菜、一萝卜、一粟米、一响玲（有怪味的）、2啤酒、1可乐，埋单要$106x（每人$265）真系好唔抵，最唔抵系茶=台面支水（无人黎加过）+调味料收$20/位，抢钱咩。食物质素、服务态度、环境、无一样值得比呢个钱黎食，唔会再黎，亦唔会推介比朋友。