新沙洞澡堂 (已結業)

期待咗一排去呢间餐厅，终于去到，但失望而回。晚饭套餐系快餐质素，但几倍价钱。$288计埋+1即系$317。基本上系一埋炸嘢、即食年糕、鱼糕。但系你瞇埋眼食，系食唔到韩国味嘅。前菜系一埋黑豆同辣味嘅唔知乜嘢。连最正常嘅芽菜或者系泡菜都冇。完全冇满足到食韩国嘢嘅欲望。唔知自己食咗啲乜。嘢食质素唔得，仲要贵。其实冇咩位置好打卡。餐厅得几个客，都冇人斟水。唔推介。唔会再食。如果你见到其他人咁多好评，硬系要试，我只可以提醒你去到唔好急，喺门口望一望，你就知道咩事。