琥酌 (已結業)

日本嘅吉列牛传入咗香港，但相关嘅食肆唔多，轻微炸过外层嘅吉列牛肉由客人自己再烤熟，之前试过香港另一家日餐餐厅，好特别，亦好好味，见到太子有呢间，呢晚就又嚟试下。坐低先拣下饮品，呢度嘅选择都唔少，仲有第一次见嘅抹茶梅酒，又唔怕味道好支怪㖞，两个味道竟然好夹!另外仲有啲期间限定嘅....樱花可乐原来唔系可乐嘅颜色，粉红色好吸引，但饮落去就冇咁特别喇。有好几款吉列牛，有平有贵，我吔就拣咗介乎中间嘅霜降牛，肉质好靓，同时伴上椰菜丝、白饭、好多海带嘅海带汤、日本菇，另有生鸡蛋等饭稍为冇咁去时捞饭用，亦有用嚟烤吉列牛嘅酱料，都几丰富!吉列牛就系放喺呢个盘上烤，店员事先已放上一点油，所以唔怕易㶶，大概烤三分钟就食得。我吔两个人只叫咗一个御膳，想试下佢啲小食，呢个唔单止特别，仲好清新，豆腐、菠菜、木鱼碎，有啲似三文鱼他他嘅日式版。日式焗蟹盖唔少餐厅都有， 但呢度嘅都算系中上，蟹肉唔算多，但好够味，味噌又唔会太浓，再加埋鱼子比预期中好味。明太子鸡翼亦都系比较普遍，但要烤得好味嘅都唔易揾，呢度嘅就真系好好味，明太子又够多，连鸡翼尖嘅部分都要食埋。日本嘅日式料理中好多时都有山芋，即系香港嘅淮山，但系香港嘅日