保家山 (已結業)

近排成日都想食汉堡包，咁啱有一个朋友系汉堡包迷，就话佢极力推介观塘呢间，会话质素不但好高，原主创办嘅理念令到佢好感动。佢同我讲话餐厅名背后嘅原因，其实inspiration来自长洲抢包山，不过由平安包转成汉堡包，因为细个嘅时候每次食汉堡包都会好开心，但以前细个得𠮶几间大型牌子嘅汉堡包店出名，所以长大咗就想做一啲有香港特色同风味嘅汉堡包店，玩具话，呢间餐厅嘅汉堡包加入咗好多香港文化元素！我今次叫左个"山"手工和牛汉堡（港式酱汁） $98配埋紫菜薯条。个和牛汉堡煎得非常之好，仲要锁住好多肉汁，连个包都好讲究，外面脆，但系个包入边keep住软熟，最后加埋个微辣港式酱汁超好味。另外薯条超级酥脆，劲好食。正当我以为我朋友都会叫汉堡嘅时候，佢竟然要咗佢嘅鲜蟹肉牛油果意粉配粟米忌廉汤及沙律 $118。后来我朋友解释话呢到其实唔单止汉堡好食，连面都好出色，所以叫埋俾我一齐分享。牛油果意粉超级creamy，沙律酱亦都唔好清新，个汤好浓郁同埋好香粟米味。