上海三六九菜館

营业中

休息中

沿住成条告士打道两旁全部都系食肆，湾仔返工的朋友真系好多选择，今日就黎到呢间位于柯布连道的三六九饭店吃午饭。餐牌上有好几十款午巿套餐俾你拣。地叫左一个上海粗炒同埋一个白菜炒猪肉，一黎先黎碗老火例汤，系青红萝白煲猪骨，味道唔错！我碟上海粗炒好快就到，热辣辣香喷喷，系我一贯心目中上海粗炒的形象。粗炒最重要系够热同埋够镬气，先至唔会痴埋一旧，三六九温度掌握非常好，热到辣咀。一路夹起粗炒啲烟系咁出，惹味非常！配埋肉丝同上海大白菜，加埋老抽调一调色，真系色香味俱全。之后就黎个菜心牛肉片（$47），明明叫菜心牛肉，可能厨房冇菜心又冇牛肉，结果黎左碟白菜肉片。习惯左逆来顺受，尤系对住厨房大佬，有最大限度的「包容」。难得白菜心切开细细棵，唔会令人食到狼狈，细心位抵赞！猪肉炒得好香，亦系热到辣咀，心满意足了。