OK德海南雞專門店 (新都城中心) (已結業)

本身自己同男友都钟意食海南鸡饭，见到呢间海南鸡专门店㖞，梗系要试试啦。其实我地已经食过好几次，会返转头再食，就知水准唔错喇😆。试过假日近夜晚8点去到，赶得切嗌左最后两个海南鸡饭，劲满足！因为真系好好味😋😋😋！今次我地仲由九龙特登走到过去食添呀😂。一入门口，厨房嘅staff已经好好礼貌叫我地随便坐，而我地好紧张有冇海南鸡食，所以都问左收银哥哥卖晒未先，听到仲有得食，真系开心到不得了😆😆😆！坐低后唔洗谂，直接嗌一个海南鸡饭餐同单点海南鸡饭，等左唔够5分钟，野食就到齐😆。重点嘅海南鸡件鸡肉味浓又滑，配埋个人最钟意蘸嘅姜蒜蓉酱，真系冇得输😋！不过如果系唔食鸡皮嘅朋友，可能就会觉得鸡皮同肉比较难分开啲喇。至于个油饭都系冇得输，暖暖地，亦都好够味，唔系得只色。成餐饭都食得好开心，因为食物质素高，员工都好有礼貌，态度好好，一定会继续帮衬支持🥰！