界日本料理 (已結業)

今日响大围同朋友做完运动见肚饿，佢就介绍咗呢间日本餐厅我地食，可能时间尚早，舖头无咩人，环境都舒适干净，午餐唔算贵，但见到D嘢食来果时就真心觉得好抵食，尤其是朋友食的原条鳗鱼饭，同牛柳粒定食，份量多个样又靓，味道重好好添，我自己就叫咗个寿司定食，都好正，每个定食都有一个好滑、好滑、好滑的蒸蛋「唔好意思，重要的事情要讲三次」，个蒸蛋真系好滑而且都有一碗面豉汤，平时其他的面豉汤我饮一啖就会放低，呢度我饮晒…真心好味又抵食，不过忙住食，其他唔记得影相，只系影咗杂锦鱼生饭同特上寿司定食咋，唔记得讲添，呢度中午系免加一㗎，而且我见到佢门口有写明系用爱知县的香米，所以真系抵食