京滬佳餚 (The LOHAS康城) (已結業)

最近康城嘅商场终于开幕，入面仲有好多嘅新餐厅，今次我就同屋企人试左呢间京沪佳肴，味道同服务都非常唔错。一入到去店员就安排左我地坐卡位，非常舒适。我地叫左壶菊花茶，清清地咁好岩夏天饮。呢度嘅招牌菜系片皮鸭，我地就叫左半只黎试下。同一般嘅片皮鸭唔同，呢度嘅酱料比较多，有蒜泥同沙糖，仲多左款萝卜丝，非常有新鲜感。片皮鸭烤得非常香脆，都几值得推介。除左烤鸭外，我地仲叫左个云吞鸭肉汤试试，饮落非常清甜冇味精。卤水鸭舌亦都炆得非常入味。响油鳝糊算系我非常钟意嘅一道菜，黄鳝同京葱炒得非常香。乳鸽新鲜炸起，食落香脆好食。