明記甜品 (吳松街) (已結業)

好多年前食过呢度嘅黑白（即系芝麻糊沟豆腐花）觉得好食，所以嚟亲佐敦都特登食两碗，应该大约有两三年冇嚟过呢度食，咁啱今日要去佐敦买嘢，就走过来食返碗冻黑白，通常都系坐喺街，啲姨姨会帮我哋开张枱，好友庙街风味。一碗冻黑白$26，算唔算贵？肯定唔算平。等咗我2分钟都冇，我碗糖水就放在我面前，当我食第一啖嘅时候，发觉豆腐花嘅部份就冇乜点变，但系芝麻糊就变咗，以前呢度嘅芝麻糊可能佢磨得唔系咁好，就会约食到一粒半粒嘅形状嘅芝麻，今次一食落口就肯定系粉，但系唔够香，而且仲要好甜添，肯定比我以前甜，所以有少少失望。