影片
更多
2013-03-13
2191 浏览
球场就去得多，K场就人生暂时去过两次，无办法，对于五音不全嘅小弟嚟讲，低音上唔到高音，高音唱到走晒音，唱歌依家嘢真喺小弟死穴，俗语所讲：献丑不如藏拙。第一次入K唱，唔喺唱K，𠮶时仲晌观塘做嘢时，跟同事一齐入去食晏，唔贵又有个私人房，点讲老细坏话都无有怕。至于第二次，亦即喺今次，同样无打算唱K，只喺嚟食buffet，事缘表姪女生日，大个女唔晌麦记搞啦，表哥表嫂拉埋几个同区亲友，一齐嚟依间新间无耐嘅Neway，同佢开过生日唱K派对，小弟一向「咁锡」表姪女，成日恶形恶相问佢做晒功课未？温好书未？当然有幸成被邀之列，今次都可以话喺另类邀请试食。讲番少少收费先，其实上佢哋个网都查到，小弟只喺剪贴一次出嚟：午餐时段（11:00am-2:00pm）：$52起（另收加一，学生免加一）欢乐时光（1:30pm-8:00pm）：$79/位（另收加一，学生人头费九折）黄金时段（5:30pm-5:45am）：$149（自助餐 + $33/位）（另收加一，学生人头费九折）猫头鹰（11:00pm-5:45am,只适用于一至四）：$129/位（另收加一，学生人头费九折）而K-Buffet供应时间喺6:00pm-10:
讲番少少收费先，其实上佢哋个网都查到，小弟只喺剪贴一次出嚟：
午餐时段（11:00am-2:00pm）：$52起（另收加一，学生免加一）
欢乐时光（1:30pm-8:00pm）：$79/位（另收加一，学生人头费九折）
黄金时段（5:30pm-5:45am）：$149（自助餐 + $33/位）（另收加一，学生人头费九折）
猫头鹰（11:00pm-5:45am,只适用于一至四）：$129/位（另收加一，学生人头费九折）
而K-Buffet供应时间喺6:00pm-10:00pm，食嘢时间非常充裕，而且唱K又包两杯非酒精饮品，房内有免费wi-fi，所以如果嚟唱K又食埋嘢，超级之抵，相反好似小弟咁斋食唔唱就有少少嘥料。此外，生日仲有优惠，就喺生日蛋糕一个免费送，多加一支汽酒添，所以，贺生日嚟开个房又唱、又食、又玩，绝对抵得谂㖞。
占地成万呎嘅宇宙Neway，由于新嘅关系，啲环境、梳化及其他设备都比较新簇。我哋所订嘅房都几大，一行9人绝对坐得好松动。3边喺梳化椅，4个小茶几，前后两部大电视，坐边位置都望到，啲亲友同表姪女喺咁拣歌，一首接一首唱不停，我就晌出面揾食，睇睇佢个「环球K-Buffet」有咩好食，可是麻雀虽少，五脏俱全，有沙律、热盘、自助火锅、冷盘小食、冻海鲜、刺身寿司、潮州打冷、串烧、薄饼、煲仔饭、鱼翅、中式点心、生果、甜品，果真几丰富，虽然质素方面唔可以跟酒店嘅自助餐比，但小弟就觉得一啲都唔失礼，况且只喺俾多几十蚊咋㖞，依家晌茶记食个晚餐都唔得啦。
沙律简单嚟讲就喺罐头沙律，除一盘沙律菜、一盘杂果沙律，粟米粒、杂果、龙眼肉、菠萝、红腰豆、都喺罐头货色，仲有一小碟青瓜，依度就喺沙律吧嘅全部，沙律酱及千岛酱亦喺现成货。所以，味道你可以预期到会喺点，有啲返回中学时那些年搞生日会所整嘅沙律，咪就喺罐头生果加卡夫奇妙酱啰，哈哈！
热盘一共十多样热荤，都有转过一两次款，计落有炒蚬、生炒骨、红烧豆腐、豆豉鸡球、蒜蓉蒸蛏子、芝士肉酱焗薯、章鱼小丸子、炸芋饼、炒杂菌、炒面、杨州炒饭、羊腩煲、猪脚姜……等，当中以蒜蓉蒸蛏子、芝士肉酱焗薯及羊腩煲为最惊喜啦，前者更喺可遇不可求，撞正有就你好彩，见佢出过一轮都好似无再出，或者有再出过就好快被人攞晒啦。芝士肉酱焗薯亦做得有心思，半挖空个薯仔，酿入肉酱再加芝士，正！羊腩煲够火喉，羊腩膻味属中度，但南乳味浓。至于其他嘅热荤，好似炒蚬、小丸子、红烧豆腐都做得不赖。
自助火锅全场最占位多都算喺个自助火锅，汤底有两款：麻辣汤、皮蛋芫茜汤，整法好简单，晌右边火锅配料枱上拣啱想食乜，拣好放晒大窝滚水度，渌熟加番汤底就走得。其实火锅配料都唔少，猪肉丸、肠仔、豆卜、萝卜、龙虾丸、鱿鱼、水饺、云吞、肥牛、什菌、生根、时蔬、公仔面、乌冬……不过我哋个个都懒整，竟然无食过，哈哈！
冻海鲜．冷盘小食海鲜类有甜虾、青口、翡翠螺，每样都试少少，甜虾同翡翠螺估唔到唔差㖞，青口就瘦削啲；而冷盘小食包括有螺肉、牛展、猪耳猪头肉、芝麻八爪鱼、鸭肾5 款，小弟只拎咗螺肉、八爪鱼、猪头肉叫过吓口瘾，来货嘢唔好有太多期望。
刺身寿司难得较重成本嘅刺身都有，当然要帮衬多少啦。小弟就只喺拎咗三文鱼、油甘鱼、甜虾同赤贝，味道唔错，有啲想添食嘅冲动，不过眼见仲有其他嘢，所以食埋其他未够饱先再算。寿司类因为太易饱肚就无错喇，款式都唔少，有八爪鱼、蟹棒、北寄贝、鱿鱼、熟虾、玉子……等。
潮州打冷基本打冷嘢都见到有，如卤水鸭（唔喺鹅）、金钱肚、墨鱼、生肠、红肠、猪大肠、猪红、韮菜……，全部挂晒晌个档口，有啲亦切好晒分类摆晌碟上，夹多少随意。我哋夹咗啲返嚟一齐食，卤水味唔算好浓好香，但还算入味，金钱肚份外好食，炆得够腍。
串烧马来西亚沙嗲串烧包括串烧牛肉同鸡翼，虽然只喺用电烤炉，但一样烧得甘香味美，唯沙嗲未够花生香，但小弟觉得都已收货喇，话晒佢哋又唔喺专做东南亚菜。另外，又有啲烧牛肉，细细片拎咗两片，加啲洋葱汁，亦唔错㖞。
煲仔饭煲仔饭制作需时，但又唔使企晌个档口呆等嘅，佢哋嘅服务真喺做得几贴心，好似拎嘢食，有啲要等嘅，如串烧、煲仔饭、鱼翅…等，可以讲低房号，整好就有专人拎过嚟。我哋点咗两个煲仔饭一齐试，喺迷你瓦煲仔份量，一个蒸肉饼，另一个喺腊味，前者普通啲，后者就较香，有齐腊肉、腊肠、润肠，真喺落足料架，饭粒也不俗，饭焦欠奉都只不过喺小问题啫。
鱼翅（金汤鲍鱼丝蟹肉翅）全场亮点，行亲过去取食区，经理都郑重挨介，档口上面仲有张大大大海报介绍，以金华火腿熬个汤底，专人负责，有啲生滚嘅做法，有单先滚个汤，再加鲍鱼丝、蟹肉同鱼翅，捞一捞材料落足，认真有诚意㖞。味道亦不赖，汤底咸香有火腿味，一啲都唔流，鲍鱼丝、蟹肉落得无手软，鱼翅就较为少啲，不过唔够可以再添食吖嘛！
中式点心见佢档口上海报印有多款点心：笋尖虾饺、蟹肉烧卖、酱汁凤爪、豉汁排骨、金钱肚、水晶饺、南乳猪手、奶皇包，问过之后喺不时轮住咁出，但由于点心都经常食，所以就无叫过。
生果．甜品
果盘只有西瓜同蜜瓜，简简单单两款当饭后果都OK 啦。甜品款式唔算多，亦唔喺咩高质出品，都只喺啲云石芝士饼、意大利芝士饼、林明顿蛋糕、曲奇、迷你果挞、芒果布甸、啫喱，对于都算喺甜食一族嘅我，见佢唔多，好好丑丑都试匀佢啦，喺无食红豆糕同绿豆糕，因为影相时见有，后尾想食时就无晒。食完印象就唔深架啦，但又唔喺差𠮶只情况，中肯一句，就喺中规中矩。
生日蛋糕．蜜桃汽酒生日嘅小优惠，一磅装芒果忌廉蛋糕一个，卖相唔跩，只喺似屋村饼店嘅水平，但海锦蛋糕亦都算松软，喺忌廉多啲啫；蜜桃汽酒一支，几香桃味，汽酒好处喺酒精度唔高，细路都啱饮。
成晚唔停食，不过就不停被问拣首歌唱吓，应酬吓大家，结果拣咗克勤首红日，够快，好似背急口令，唱错都唔觉啰！最后，祝贺表姪女生日快乐，学业进步，越大越乖啦！
张贴
