Cha:rm

营业中

休息中

门口等咗劲耐先有得入，原来系因为出菜慢， 等到颈都长嘢食都仲未嚟。我见隔离台仲惨， 疑似漏单， 见佢哋前后催咗3次其他嘢食晒个紫菜卷都仲未嚟。 我哋都有嗌紫菜卷，系吞拿鱼味果只，又系等劲耐。唔知系咪周末，师傅包紫菜卷包到双手冇力，个紫菜卷松泡泡的，一夹就散，仲有啲吞拿鱼系就咁唧啲吞拿鱼沙律酱上表面。成个卷冇味，好似食白饭咁，明明外皮有芝麻但完全冇芝麻香。讲返开头果碟泡菜，睇得出系自家制，一食就知系新腌嘅，出晒水，唔酸又唔辣。我已经系唔食得辣嘅人都觉得佢唔辣，真系冇眼睇。年糕饺子汤量少，得4粒饺子，个汤底我唔识形容，好似调味粉加水咁。千祁唔好嗌炒杂菜粉丝，大伏嚟。可能系唔啱我口味啦， 兜粉丝超甜劲多油:最后仲嗌咗个泡菜煎饼， 又系冇味㗎，又唔咸又唔辣，想点？到讲吓环境，场内疑似满布小苍蝇。我哋一路食一路拨空气， 我见侍应周不时也有拨佢哋兜泡菜。枱与枱空间太窄，根本不能通过， 次次有人出入都要移动张枱。厕所唔算污漕，但系劲窄，若坐底会顶脚呀。