加東叻沙蝦麵 (已結業)

由于买咗团购，团购通知呢间餐厅将会喺本月尾结业，所以趁今日有时间就去用咗张券佢。可能系下午茶时间，一入铺头，一个客都无。侍应姐姐即刻问我哋系咪用券，用券只可以叫正价食品。我哋买嘅系$100当$200用嘅券，所以我哋叫咗1个正宗虾面，1个正宗叻沙同一个肉骨茶。等咗一段时间，阿姐送嚟一碗虾面，但个汤底同我平时食开嘅虾面(包括喺新加坡)好唔同一饮啖汤，味道唔鲜甜之余仲带有一点点嘅胡椒粉味，败笔不过碗面嘅食材都算好足嘅。之后就到叻沙，个卖相同平时食开嘅差不多，用料都好足，汤底算唔错，不过蛳蚶有沙呢最后上埋个肉骨茶，阿姐问我哋要唔要饭，可能佢唔想浪费食物啦！肉骨茶用锅上的确系够唒热，佢哋嘅肉骨茶系走马拉路线嘅(即系用药材煲)只可惜用料不足，药材味极淡，搞到个汤两头唔到岸明明肉骨茶系跟油炸鬼嘅，但阿姐要我哋开声问佢佢至攞俾我哋，可能又系惊浪费食物啩⋯⋯不过阿姐都算系咁㗎啦，我哋问佢攞调味料佢都俾咗碟黑油同亚参酱俾我哋。不过有样嘢真系要讲，我哋食完真系劲口渴，应该都落咗唔少味精