加東叻沙蝦麵 (已結業)

平時都唔會寫食評，睇就多！呢間舖果然有個黑面女職員，出單不跟先後次序，客人投訴話廚房師傅搞錯左次序係正常，另一檯客追肉骨茶，男同事好心提一下，呢位女職員話知啦，煲緊嘛！怪不得呢間食評咁差！其實食物質素無問題。出餐時唔多知邊檯客人要咩，無寫低檯號，埋單仲問你叫左咩，怪不得檯檯客都漏單，錯漏百出。個人親身經歷係叫左2杯熱檸蜜，但嚟到唔似檸蜜，對單時寫 $22/杯，我地話餐牌係$20 喎，個女職員話餐牌價錢無更新青檸柑桔係$22，講完就行開左，對一對餐牌至知原來佢嚟錯左，我飲個杯唔係檸蜜，係貴$2嘅青檸柑桔，個餐牌價錢無錯！係整錯左杯飲品，總之唔會再嚟！

湯底可以，有濃厚的耶奶香味，但碗內的配料不多，像普通在街邊就隨手能買到的的魚蛋粉材料，最令人接受不了的是那米線，一夾就碎，一度讓我懷疑是不是從強國進口的塑膠製品米線，一個字難吃，難吃難吃！店內人手嚴重不足，下單送餐到安排入座都亂七八穢，各位巴打絲打慎吃啊！更可怕的是，我朋友叫了碗豬頸肉正宗那沙，那肉質還硬過石頭，我平生第一次真的因為難吃到要上來寫惡評，太劣質了，聽到在店內很多人因為優惠卷而到店光顧，大概是食材用料差劣才要用優惠吸客！！！

剛去吃完晚飯，唔明點解評語咁差，環境和食物都十分理想，也見不到所謂的惡女人。如果真的執笠，不說浪費得體的裝修，死得不明不白，有點可惜。叻沙非常好味，湯底正宗濃香，海南雞微熱上桌，醃得十分入味。青瓜墊底浸著蒜香汁很爽脆。另排骨蝦麵蝦兩隻開邊，不算大隻，但勝在新鮮，伴上清脆的芽菜和稍辣豆腐卜，不比星加坡地道出名店鋪遜色。排骨蝦麵的油麵沒有什麼特別，較淡味的排骨卻粒粒一字排開成，肥痩適中，整體來說，料是較小，似馬來西亞的多過星加坡的味道。最奇怪係做緊生意，個招牌都已經拆咗。

由於買咗團購，團購通知呢間餐廳將會喺本月尾結業，所以趁今日有時間就去用咗張券佢。可能係下午茶時間，一入鋪頭，一個客都無。侍應姐姐即刻問我哋係咪用券，用券只可以叫正價食品。我哋買嘅係$100當$200用嘅券，所以我哋叫咗1個正宗蝦麵，1個正宗叻沙同一個肉骨茶。等咗一段時間，阿姐送嚟一碗蝦麵，但個湯底同我平時食開嘅蝦麵(包括喺新加坡)好唔同一飲啖湯，味道唔鮮甜之餘仲帶有一點點嘅胡椒粉味，敗筆不過碗麵嘅食材都算好足嘅。之後就到叻沙，個賣相同平時食開嘅差不多，用料都好足，湯底算唔錯，不過螄蚶有沙呢最後上埋個肉骨茶，阿姐問我哋要唔要飯，可能佢唔想浪費食物啦！肉骨茶用鍋上的確係夠唒熱，佢哋嘅肉骨茶係走馬拉路線嘅(即係用藥材煲)只可惜用料不足，藥材味極淡，搞到個湯兩頭唔到岸明明肉骨茶係跟油炸鬼嘅，但阿姐要我哋開聲問佢佢至攞俾我哋，可能又係驚浪費食物啩⋯⋯不過阿姐都算係咁㗎啦，我哋問佢攞調味料佢都俾咗碟黑油同亞參醬俾我哋。不過有樣嘢真係要講，我哋食完真係勁口渴，應該都落咗唔少味精

路經附近，見到新開餐廳，門面光鮮，原來新開食新加坡食品，見仲有位，入去黎個快食~店舖內空間不多，檯與檯之間較迫，如果坐了人，則可能要起身讓位才可令其他食客進入。一坐下來了兩杯清水，一看我便不敢飲了。杯內有油珠，應該係上一轉未徹底清潔樓面得兩位，見住招呼客人都辛苦，員工同員工之間關係唔太好，大聲呼喝，想必辛苦，也影響了服務質素講番食物先~兩個人點了一客巴東牛肉飯(68蚊)，一客招牌喇沙(73蚊)。巴東牛肉個汁ok濃, 但牛肉好堅固喇沙係用類似檬粉的麵，有魚旦，蝦，蛤，豆卜，半隻蛋，餸粉量比較少，個湯底唔算辣(我係少少辣都唔太得)，有蝦味，不過比較淡。食物，環境，服務，衛生都失望喔。不會再光顧了。

以前係灣仔食開，阿燥底女人都係道主持大局。唸住好嘢天后開多間避左佢先知灣仔執左，逃唔出佢五指山。我覺得佢食物係可以既，鐘意佢叻沙湯底，個粉我本身唔嗜瀨粉狀所以唔加評價。我家姐叫咸檸七，佢講左一個字「雪」，家姐未get到佢指雪碧，問咩話？佢講多次「雪」，我話「雪碧呀」。家姐仲斗膽話呢道寫七架喎，我立即幫佢打完場，打法女人走。果位女士其實有唔燥狂嘅一面，你有心機可以觀察下。不過我每次去食都戰戰兢兢，唔知幾時觸發到佢，我會盡量少一點幫襯。

今晚第一次幫襯 中伏海南雞飯 d雞唔靚仲有怪味😰飯就ok 跟埋嘅白蘿蔔湯非常普通正宗叻沙 試左之後真係唔明邊度正宗！？😲配料少都算 得3塊魚片 兩舊豆卜 兩隻蝦 湯底椰奶味十分重 除此之外得辣味同成層油浸通菜 菜係新鮮爽口的 但個湯疑似用馬拉盞溝水製成 一上枱只系覺得好臭 😨要自己撈起曬d菜先擺得入口最恐怖的其中一位店員的服務態度😡(中年 白鴿眼 成日大聲鬧其他店員⋯)（我估她唔係老闆 因為聽到她同其他店員話事頭婆啱先行過⋯⋯又點點點）一人到鋪頭坐低 她就不斷問食乜 又棟係你隔離唔走等你落order😳；食緊的時候 都聽到她不斷鬧其他店員 或者大聲講電話 好擾民🙄；冇野做嘅時候就不停巡來巡去 逐張枱望 feel到她望住你 眼神同她對望時 她就睥住你 好似自己係坐監放飯咁😵；有客人想買外賣肉骨茶但唔想跟飯想轉麵 問她可唔可以 她好大聲答話：無！除非你加＄！30蚊一個淨麵⋯😮最離譜係埋單發現無打單 仲問返你食左乜 要逐樣講俾她聽 找＄時仲扔d紙幤同散紙落枱😡 總結：俾錢食飯買難受仲要收氣😵 - 食物質素差 價錢貴 服務態度嚇死人

晚上6點多我一個人入內,  有一個黑臉女員工睥著我叫我坐, 她沒事做,只是站著, 我坐低隔3分鐘她才不情願地拿餐牌過來, 態度一直是很差的, 找另一個年輕女店員下單, 要默魚丸/豆卜叻沙和馬拉盞通菜, 問她叻沙是否有芽菜, 她說芽菜是要加錢的, 我說即是無啦因我不想要芽菜, 她點頭, 後來上枱時叻沙湯內有芽菜, 找回她問, 她答是有但不會收我錢, 弄錯還要比說話我聽, 不是收不收錢, 是我不想有芽菜, 聽到離鄰枱亦有投訴她叫麵卻來了米粉, 碗叻沙粉又粗又硬又冇味(不吸湯), 一夾就跌, 湯是可以的, 我只飲湯和食默魚丸/豆卜, 粉幾乎沒吃過, 馬拉盞通菜夠熱幾好味, 只是有點鹹, 這店的員工態度甚差, 是不會再去的.

今日就求其搵間嘢試下啦，見到呢間新開好似唔錯啦。入到去男朋友要佐一個咖哩雞排飯啦，我就要一個海南雞飯，諗住唔會中伏啦。點知話冇咖哩，要男朋友再揀過啦。不斷催問男朋友轉豉油得唔得啦。海南雞飯黎到。啲豉油吖，辣椒啲味怪怪地，啲雞又唔靚wor。咁都算啦，聽到隔離點餐，個老闆娘定唔知係員工態度勁差，話冇嘢係唔辣啦，又係客面前鬧廚房個啲。人地黎食野，但係就話呢樣又冇個樣又冇，真係好嬲囉。啲服務員坐係到睇電視，真係好無奈。

救命。本來很期待可以食新加坡野，服務員拼命咁推介，樣樣都話好味..但係食左第一口已經很失望😑 蝦麵?根本係生麵配礦泉水。特色米暹?特色就係整個燒孔味..少少甜又苦。後面總聽到老闆鬧緊d員工..真係食到唔開心😓Ordered the Prawn Mee with shrimp and fish ball, and mee siam SUPREME. Both dishes tasted far from authentic. The Prawn Mee was literally yellow noodles in diluted (if not water) broth, with ONE prawn cut in half. Furthermore, the mee siam SUPREME tasted like burnt satay sauce - this is not what mee siam is! A truly disappointing experience, and would not return to this place again!

午飯的墨丸蝦麵 配料只有兩粒墨丸/兩舊豆卜/幾隻小蝦😅 配料少都唔係問題 但油麵軟 湯係零蝦味 除左有幾粒蝦係到 我睇唔出呢碗點樣係一碗蝦麵 呢碗似車仔麵跟幾粒蝦就叫蝦麵?🤔 (車仔麵好食好多) 咁就$50!! 以前未搬係灣仔既時候 試過一次佢地既喇沙 味道都還好 所以先會再入黎食 但真係唔會有下次

星期日同男人係附近搵食，本想食華姐清湯腩，但經過見到呢間新開又好似好整潔咁，就問男人食呢間好唔好，因為佢中意食喇沙，我中意飲肉骨茶。一入去，員工好好安排我地坐卡位，本身諗住咁繁忙嘅晚餐時間一定會被安排到啲比較窄嘅位，怎料 有驚喜我地叫左個最多款嘅喇沙，盛惠92，一啲特別都冇，冇魚片，鮮蝦，半隻蛋，豆卜，雞絲，芽菜，「司陰」（男人話唔加好過加，最敗律。湯底唔夠濃，平時我地都只係食開海南XX,喇沙大X,土司工X,最好食係土司工X,所以覺得呢到需要係新加坡人主理，但見到的都是香港人加一個好似姐姐嘅工人（估下咋，唔知係唔係）豆卜要讚下，索晒啲味，好明顯有浸過！我地再叫左個肉骨茶，不過不失，又係唔太重藥材味，有4-5件骨，食左兩件就舉手投降了。冇咩味，平時我都係口味淡果個，點解會咁架不過點野果個辣椒醬油好好好好食，好彩有佢我先食到1/3個飯再食左個星加坡羅白糕，有蛋加落羅白糕黎炒，甜甜地，應該用左ABC醬油炒，口味一般般，覺得偏甜，食左一半再食唔到了。最後叫左個馬拉盞通菜，用鍋上，好夠熱，但係，有香味，有賣相，就係冇咸味，相比之下，喇沙個湯底最似正常樣，其他都唔係太岩我地口味。我地食左半個鐘，都