Brunch Club & Supper

营业中

休息中

喺铜锣湾有人时都唔知食咩好，到到都有time limit，又唔想食到好赶，想坐低静静地同朋友倾下偈 ，呢度系一个好选择! 佢有happy hour买一送一,啲嘢食都唔差㗎，啲意粉，risotto都几好食，仲有啲burger， egg Benedict都试过几好。有人生日，仲可以叫佢喺喺蛋糕上面写字，有晒蜡烛，仲有人同你唱生日歌，又唔使成个蛋糕带去。佢𠮶度已经有好多款拣。啲朱古力蛋糕都好浓味! 个人喜欢啦，有啲就会好甜，但系有好厚好浓嘅朱古力味。喺𠮶度通常可以同朋友静静地倾下偈饮一两round嘢都ok。但佢有阵时十点零就开始冇乜人想收舖咁款，都唔好意思再坐啦。但七点到十点几差唔多啦。又有嘢食又有嘢饮又唔算太贵，重点系通常去到都唔系好使等位! 虽然我会book定位，但有时当周围都full晒，呢个地方都系一个好好嘅选择嚟㗎。