越泰軒小食

营业中

休息中

我好少带现金出街 ， 我问佢有冇得支付宝佢话网上落单先有 。 跟住我现金得40蚊 。 而我张单系42蚊 。 佢话由佢啦下次先畀 。 我心谂我系经过返工先至帮衬你所以我即刻去咗中银揿返钱畀佢 。 所以呢间嘢都算有人情味 。呢个系佢啲小食同嘢饮同早餐嘅餐牌好香椰奶味 。 佢用左好多香料 。 例如 芫茜啦葱啦蒜头既 ， 所以成碗野虽然唔算得上好正宗 。 但都冇话好难食既 。好多人食东南亚既野都系想食辣既 ， 而佢个辣度方面唔食得辣既朋友仔应该食到挂 。 因为佢又未去到谭仔中辣 。 但佢个辣系慢黎快走既 。至于佢个绿茶有d似大x活或者大x乐果d 。 因为好微嘅茶味又有少少甜味咁 。街市嚟讲有座位已经好好啦 ， 佢仲贴心到分开一个格一个人 。 同埋座位上面有调味品有筷子有匙羹 ， 所以服务员好忙嘅时候都唔紧要 。