八月花 (又一城)

营业中

休息中

好耐冇去过八月花食嘢，原来已经搬咗落楼下𠮶层，所以去到嘅时候都要揾咗一阵，不过相对嚟讲坐地铁过去嘅话更加方便。可能比较早去到嘅时候都唔系好多人，所以招呼还可以嘅，但系去到之后多人嘅时候就发现佢哋应该唔够人做楼面，所以有啲时候揾人来写才到要一啲时间，同埋斟茶灌水都系。跟埋茶介嚟𠮶啲前菜系几好味嘅，我哋忍唔住等人嘅时候已经食晒。叫咗个花雕醉乳鸽，嚟到嘅时候唔记得影相就已经食晒，佢嘅酒比较偏甜，一般般。唔记得影相嘅仲有生菜包乳鸽崧，啲𩠌系可以嘅，但系比嘅生菜就比较少，断人头计都唔够。酥香鸭半只，留意佢跟你𠮶个淮盐真系少得可怜，根本连点都点唔到，不过识落本身只鸭已经好够咸，同埋都好酥脆，所以淮盐应该都系象征式。松子竹笙鱼米，呢味𩠌嘅味道偏清淡，都仲系算可以嘅，不过唔知系为咗美观定系点样，哈片真系得好少，最重要系佢只碟嘅设计好失败，用匙羹不起啲𩠌嘅时候好容易推左落个窿度，结果系要用之前𠮶杯淮盐放返落个窿度，顶住先方便啲。烧鹅半只，味道都算唔错，又系啲孙煤浆真系好少。其他𠮶啲𩠌菜冇乜特别，水准一般，整体嚟讲算系平均一般。