炳記牛牛 (已結業)

101123 星期二 | 跟妈妈到深水埗寻找旧日的足迹，行得累了，又到午饭时间了，刚巧经过炳记牛牛，见店舖前的落地大玻璃写著好多款的甜品，就是其中的蛋白炖鲜奶吸引了妈妈要入去试试，除了甜品，这里还有午饭套餐提供的，我们点了个特色猪扒焗饭配热阿华田，再加个小食，牛油焗带子，当然唔少得甜品喇，要了个蛋白炖鲜奶和木瓜炖鲜奶。特色猪扒焗饭配热阿华田 ($26)，睇唔到又食唔到有甚么特色喔，都系一般的蕃茄洋葱猪扒饭，但就只系得一块猪扒，剪开四件，饭的分量就都几多，唔通特色就是𩠌少饭多？牛油焗带子 ($12)，唔热嘅，带子似乎只是预先焯熟，上枱前才加点酱油和少许芝士酱，所以唔入味。蛋白炖鲜奶 ($12)和木瓜炖鲜奶 ($12)，本想要热的，可惜只得冻的，也算吧，叫得做牛牛，猜想炖鲜奶有一定的水准，冷热都好吃吧，但单看个样，好唔新鲜㖞，尤其是个木瓜炖鲜奶，好似已存放了成个月咁，不过既然点了就试吓食喇，甜度适中，但唔够滑，木瓜炖鲜奶更是鞋十十，木瓜又带点苦，很失败，好在无拉肚子啫。