醉鮮靚湯特色粉麵

营业中

休息中

本来想食吉边，友人A HLT，佢就提议食呢间。醉系列几特别，就叫左醉猪手鱼汤米线。同行友人们就叫左醉鸡鱼汤米线同鲩鱼咀鱼汤泡饭。醉系列个鱼汤系几鲜甜，唔会腻。醉鸡同猪手几够味，唔会淡，好怕食到啲唔入味，得表面𠮶层掂到啲汁。到鲩鱼咀泡饭上场，我地真系O哂咀，两个鱼头完整放喺碗面，估佢唔到。试左一啖个鲩鱼汤，完胜，浓汤咁嘅味。再食返自己𠮶碗，好似清汤咁。不过友人A话虽然够味但食到尾有啲咸。不过唔系人人都handle到个鲩鱼咀，我呢啲唔识食鱼头嘅真系无谓试，唔好嘥野。调味品有只系啲虾仔，好有心思。加少少落碗面到，个汤更鲜味！整体黎讲野食唔错，不过建议大食人士唔好叫米线，因为唔够饱，得𠮶几条，要食多餐先填饱到个肚。