AIRSIDE Cafe

营业中

休息中

AIRSIDE开咗都差不多2个月，不过啲餐厅好似都仲未开齐🌚。比较吸引人注意系呢间AIRSIDE Café，开喺商场中心位，感觉上都系偏High End 几Chill🍸。早排终于揾埋同事们去朝圣一下。中午时间去冇乜人，可能因为冇lunch menu，所以附近返工嘅人未必会考虑🤔。我哋坐喺出面梳化位，坐得几舒服。不过对住上面喺商场透光天花☀️，正对住个太阳，真系好晒呀 唔系讲笑🥵。都落咗单就由佢啦！有日光影啲食物相系几靓嘅，大家自己衡量吧🤷🏻‍♀️，我谂入夜时间嚟食系会有Mood啲，会浪漫啲嘅。睇Menu，同openrice之前睇过好似有啲出入🤔，可能啱啱新开都有keep住修改Menu。选择唔算系好大众，配搭都偏向Fusion同特色。我哋最后选择散嗌，冇拣Set餐。🍝蟹肉手卷义面 $198呢个手卷面几特别，类似系通心粉但再稔少少嘅质感。蟹肉落得唔系好够，所以个味唔算好出，整体偏向白汁忌廉味重。🍝黑蒜蘑菇扁义面 $168相比起上面呢个浓味返啲，系比较正路同相宜嘅选择，中规中矩，但唔算好特别。🧆脆炸忌廉蚝饼 $168最有惊喜系呢个蚝饼，即炸个表面好脆口。一叉开入面系出晒烟，个蚝味都好浓郁好出嘅。