阿夫利拉麵 (The ONE)

营业中

休息中

餐厅好阔落，位于The One 商场嘅边边位，玻璃位可以睇到夜景；同样都系用自助售票机，但可以用信用卡/ 八达通付款，拣选自己想要嘅食物，自己俾钱就搞，所以无加一服务费。柚子盐味拉面 $98 / 柚子酱油拉面 $98佢地主打系柚子汤底嘅拉面，所以点咗盐味同酱油各一个试。盐味嘅柚子汤底比较突出，所以酱油𠮶个就有多少少咸，无咁香柚子味。面条就系幼身，偏软。每碗都已经包半只糖心蛋、少少水菜、一片叉烧同一块紫菜；面嘅份量正常，但配料比较少。唐扬炸鸡 5 件 $68无太多炸粉，几好；但味道普通，唔太香口。盐味鸡汤饺子 6 件 $68佢地除咗主打拉面之外，另外就系鸡汤饺子，所以点咗一碗试吓；但有啲失望，食落同街边食饺子无咩分别，而且上面两块柠檬配汤好怪😓😓 柠檬梳打 $38 / 柚子青柠梳打 $38不过不失，正常味道。