南越南咖啡廳

营业中

休息中

话说我同朋友透过openrice订座，6点入座有8折优惠。我地入座时虽然无人，都有讲订咗位，落单时confirm问系咪有8折，男职员有用电话影低相关证明，佢话7：30前埋单先有8折。但系到我地食饱时，举手同一位女职员讲埋单，佢话好呀就走咗入水吧，我地等咗好耐都冇人嚟，再举手同开头嚟影证明嘅𠮶个男职员讲埋单，佢先同我地讲要出柜枱埋，我同朋友即刻话：「啱啱又唔讲？」好似想拖我地钟咁，因为𠮶阵就嚟到7点半。去到柜枱，佢印咗张单系无计8折！！！好彩我有认真睇单，我问：「唔系有8折？」佢就问我：「你系x小姐？」先印张有8折嘅单俾我，感觉十分之唔老实！！！因为佢系有嚟影我地张8折订枱证明，亦讲得出我地姓乜，但偏偏一开头就印张无8折嘅单俾我地，根本就系搏我地唔睇单！！！奉劝大家一定要check单！讲返食物，我地叫咗招牌金边粉、烧猪颈肉同香茅青苹果茶。招牌金边粉材料都几多，汤底味道有dd苦。烧猪颈肉上菜时会有2秒喷火，味道正常，但比较细块。香茅青苹果茶无乜苹果味，好淡。总结而言，唔会再嚟。