影片
更多
2021-09-01
487 浏览
同事帮我庆祝生日，谂住近近地揾间坐得舒服既去食午餐，所以订左依间Ulivo意大利餐厅。见到餐牌，Set lunch选择唔算太多，我拣左前菜吞拿鱼肉泥，主菜拣左和牛通粉。前菜吞拿鱼，食落口同用黎点面包既罐头吞拿鱼酱一样，极之普通，味道无层次。重点黎啦，我地等主菜等左差不多半个钟有多，我老板顶唔顺问经理，佢话当日好多人请病假㖞🤔但我眼睇厨房长期有三个人，一个人行行企企无乜野做。🤡好啦，终于等到我个和牛通粉，等等先，肉酱通粉！？说好的和牛呢？！的确佢既通粉口感系好👍🏻，但个肉酱又唔热又普通，完全食唔出有和牛，味道同大快活肉酱意差唔多，有冇搞错？😥因为同事请食饭，我只记得价钱系大约百六蚊，仲要加一但我老板食野浊亲想饮啖水，叫佢加水加左十分钟都未加到😑其实真系唔够人手不如唔好开啦，收人二百蚊位但个服务仲差过快餐店，大家真系千奇唔好中伏！
见到餐牌，Set lunch选择唔算太多，我拣左前菜吞拿鱼肉泥，主菜拣左和牛通粉。
前菜吞拿鱼，食落口同用黎点面包既罐头吞拿鱼酱一样，极之普通，味道无层次。
重点黎啦，我地等主菜等左差不多半个钟有多，我老板顶唔顺问经理，佢话当日好多人请病假㖞🤔
但我眼睇厨房长期有三个人，一个人行行企企无乜野做。🤡
好啦，终于等到我个和牛通粉，等等先，肉酱通粉！？说好的和牛呢？！
的确佢既通粉口感系好👍🏻，但个肉酱又唔热又普通，完全食唔出有和牛，味道同大快活肉酱意差唔多，有冇搞错？😥
因为同事请食饭，我只记得价钱系大约百六蚊，仲要加一
但我老板食野浊亲想饮啖水，叫佢加水加左十分钟都未加到😑
其实真系唔够人手不如唔好开啦，收人二百蚊位但个服务仲差过快餐店，大家真系千奇唔好中伏！
张贴
