餃嘢 (已結業)

起两间饺子店入边拣咗呢一间，绝对系一个错嘅决定，失策失策。完全唔推介，真系唔使嚟，千祈唔好嚟。.首先讲咗最难食𠮶样嘢，就系佢杯豆浆，从来冇饮过咁难饮嘅豆浆。好浓稠但系冇豆味，又劲多沉淀物，饮完都唔知自己饮咗啲咩。.叫咗5只芫荽牛肉饺，但系最后嚟咗洋葱黑椒牛肉饺，照食算啦都费事搞咁多嘢。点知系煎饺入边有1只，系1只芫荽牛肉饺，系咩玩法？？？重点系煎饺入边我哋冇叫呢一款。。。.然后本身系有10只煎饺，但见到相入边系得9只。朋友问职员，佢先后知后觉话原来啱啱煎嘅时候跌咗1只，而家煎紧补返俾我哋。其实我哋唔讲佢应该系唔会发现到，大家食之前真系要数一数清楚。.数量都系其次，重点系个质素甚为恶劣。煎饺就肯定唔系靠煎熟㗎啦，因为唔香唔脆。我哋觉得似煮熟咗，求其用火煎一煎就当系煎饺。可唔可以俾少少诚意？食晒系真系纯粹唔想浪费食物，但系浪费咗我胃部嘅空间错过咗真正嘅美食啰。.其他𠮶啲小食更加算吧啦，不值一提。呢间嘢系不可一不可再，唔好再俾啲食评呃咗。