影片
更多
2013-10-06
1239 浏览
夜晚八点几，同女友特登走过嚟食。之前有机会试，不过喺门外望几眼，冇乜食客，所以冇试到。今次见坐满人，就入去食吓。坐低落咗以下Order：1. 菜甫蛋角牛筋水饺油面配蕃茄薯仔汤底2. 蚝仔煎蛋豆卜香茅鱼饼幼面配蕃茄薯仔汤底3. 蚝油菜芯4. 叉烧串转个头就有得食，不过招呼我𠮶个哥仔讲咗句「水饺后上」。我就唔客气食咗先。先试到系足料，起码汤底有蕃茄味。牛筋虽然弹牙，但系汤底味道吸收唔到；败北嘅重有菜甫蛋角，睇个样几好味，但系一粒菜甫都食唔出，犹如食一只普通蛋角。同一时间，女友发现后面有个婶婶包紧水饺，心谂即叫即制，应该都唔衰得去边。蚝油菜芯上枱，我食落就冇乜嘢，但系女友即刻话啲蚝油咸过乜！之后女友碗面都上枱。呢碗啲料反而好味㖞，鱼饼有鱼肉味，又够弹牙，食多几啖都唔厌。蚝仔煎蛋只只蚝仔都好肥美，一啖一只蚝仔好足够，啲蚝又唔腥，又够蚝味，呢碗真系赞！叉烧嚟埋。食落同自己去BBQ自制嘅蜜汁叉烧一样味道，不过佢烧得几脆口。食咗冇耐，我碗面嘅汤底色变咗做腩汁色，一啲都唔似蕃茄汤底，当然味道依然。不过食到差唔多食完，「后上」嘅水饺仍然无影无踪，婶婶又包完水饺，梗系追单。一问之吓原来庤房唔记得烚……五分
坐低落咗以下Order：
1. 菜甫蛋角牛筋水饺油面配蕃茄薯仔汤底
2. 蚝仔煎蛋豆卜香茅鱼饼幼面配蕃茄薯仔汤底
3. 蚝油菜芯
4. 叉烧串
转个头就有得食，不过招呼我𠮶个哥仔讲咗句「水饺后上」。我就唔客气食咗先。
先试到系足料，起码汤底有蕃茄味。牛筋虽然弹牙，但系汤底味道吸收唔到；败北嘅重有菜甫蛋角，睇个样几好味，但系一粒菜甫都食唔出，犹如食一只普通蛋角。同一时间，女友发现后面有个婶婶包紧水饺，心谂即叫即制，应该都唔衰得去边。
蚝油菜芯上枱，我食落就冇乜嘢，但系女友即刻话啲蚝油咸过乜！
之后女友碗面都上枱。呢碗啲料反而好味㖞，鱼饼有鱼肉味，又够弹牙，食多几啖都唔厌。蚝仔煎蛋只只蚝仔都好肥美，一啖一只蚝仔好足够，啲蚝又唔腥，又够蚝味，呢碗真系赞！
叉烧嚟埋。食落同自己去BBQ自制嘅蜜汁叉烧一样味道，不过佢烧得几脆口。食咗冇耐，我碗面嘅汤底色变咗做腩汁色，一啲都唔似蕃茄汤底，当然味道依然。
不过食到差唔多食完，「后上」嘅水饺仍然无影无踪，婶婶又包完水饺，梗系追单。一问之吓原来庤房唔记得烚……五分钟后烚好㖞！
等到我碗面食剩最后一啖，终于烚好。见佢即叫即包，诚意之作，都抱有期望……一食落真系我都嫌佢咸！放落蕃茄汤底都掩盖唔到佢嘅咸味！虽然佢落足菜肉，包到大大只，但系真系顶佢唔顺。最后汤底饮晒（好味嘅），嘢都食晒，不过带啲失望，或者系我哋期望过高。
题外话/补充资料：
埋单$88，我比够$108，应该找廿蚊比我；不过睇落似两兄弟嘅，一个计数，一个找钱，找咗十蚊比我！好似今日成间舖都不在状态咁……
(以上食记乃用户个人意见 , 并不代表OpenRice之观点。)
张贴
