馬辣台式鴛鴦火鍋 (大鴻輝(荃灣)中心) (已結業)

终于放宽限聚令，可以夜晚同宝宝去食饭，系the GULU app 揾左好耐，见最易有位就系呢间，所以就去试吓。唔知系咪星期日，六点几已经好多人排队，好彩我哋一早攞定飞去到就有位坐。仲以为可以坐卡位，点知安排我哋坐中间位置，位置劲逼食得劲辛苦，仲要系几pair couple 逼埋一齐，想叫多啲野食都唔得，连食完既碟都要放地下，等人收，完全唔够人手，叫极都冇人理。食物方便除咗麻辣汤底好食，其他都系一般般，不过以呢个价钱有呢个质素已经算系咁。最唔满意都系唔够人手，叫埋单叫咗两次，见有个人拎住啲单行左成10分钟都未到我埋单，最后要走去收银先知完全冇人通知过我呢张枱要埋单如果唔系拣无可拣都唔食呢间。