PISS (河內道)

营业中

休息中

第一样，员工态度好恶劣，有个女人讲野粗声粗气，态度高高在上，人品唔太好，听感亦唔舒服，问佢野佢答得劲冇礼貌，唔知佢更年期定点，一D专业嘅态度都冇，EQ又低。第二，作为一间酒吧餐厅，气氛好唔合格，入到去令到我冇放松嘅感觉。第三，性价比低，食物味道普通，个鱿鱼酥又黑又梅又干，感觉系炸太耐，完全冇口感。再嚟系个焗猪手，淡而无味，又细只，又唔热。食物已经唔好，酒类饮品更加失望。我同朋友嗌咗两杯vodka lime，一杯又太多vodka，一杯又太多lime，劲难饮，都唔知佢地点调，十分唔专业。第四，就系送餐速度，一个炸薯条唔知点解都要等成大概20分钟，咖哩鱼柳饭又系劲耐，仲耐过炸薯条。等嘅过程中见到好似系厨房嘅人走咗出嚟煲烟，一开始冇留意到有咩问题，但越等越耐先知因为有人走出嚟煲烟，搞到我嘅野食等咁鬼耐，呢间野真系好唔掂。真系唔会再去食，劝大家唔好入去浪费金钱同时间。