影片
更多
2022-12-19
1195 浏览
今日真系好好好冻🥶我地喺差唔多大半个月前已经打左黎book枱，点知仲要撞岩今日咁冻，连个天都想我地食返啲暖笠笠既野🥰🥰Book左枱入场时候就好快，真系一分钟都冇就入左～我地拣左食$279既龙虾肉蟹set🦞🦀当拣好左食咩餐后，首先会上一个炖汤，饮落好滋补好养生👍🏼之后就会开始蒸海鲜了！呢度真系唔多洗自己郁手，全部都系侍应帮我地整，只要坐喺度等食就得🤤黎只龙虾先！龙虾好多膏，肉质亦都好鲜嫩唔会话蒸过龙，上面啲金银蒜好香口，岩岩好带出左龙虾既鲜甜🦞🦞鲍鱼我就拣左果皮蒸，食落超有果皮香！顺带一提佢啲海鲜真系好新鲜，只鲍鱼未蒸前仲识扭黎扭去😮😮😮蚝系会有旧翠玉瓜托一托住佢地蚝好脆身而蚝味好甜，好食！🦪元贝肉质爽但唔会柴，不过我就唔建议用豉汁蒸，朕味有啲太抢，有少少食唔到元贝本身既味🫣🫣然后黎到开边虾，虾肉爽弹唔梅👍🏼👍🏼同场加映果几粒蕃薯仔一啲都唔失色！非常绵密😋😋鱿鱼肠粉都几新奇但味道出奇地夹😮😮用左沙嗲酱令肠粉有种捞左麻酱既错觉，肠粉本身都几滑，鱿鱼捞埋啲沙嗲酱好惹味！呢个蒸猪颈肉都几好食，系份量方面有啲少，过唔到口瘾🥲🥲最后黎埋个肉蟹🦀🦀肉蟹好大只！完全唔系水蟹啖啖肉，个钳应该有可能大过龙
我地喺差唔多大半个月前已经打左黎book枱，点知仲要撞岩今日咁冻，连个天都想我地食返啲暖笠笠既野🥰🥰
Book左枱入场时候就好快，真系一分钟都冇就入左～
我地拣左食$279既龙虾肉蟹set🦞🦀
当拣好左食咩餐后，首先会上一个炖汤，饮落好滋补好养生👍🏼
之后就会开始蒸海鲜了！呢度真系唔多洗自己郁手，全部都系侍应帮我地整，只要坐喺度等食就得🤤
黎只龙虾先！龙虾好多膏，肉质亦都好鲜嫩唔会话蒸过龙，上面啲金银蒜好香口，岩岩好带出左龙虾既鲜甜🦞🦞
鲍鱼我就拣左果皮蒸，食落超有果皮香！顺带一提佢啲海鲜真系好新鲜，只鲍鱼未蒸前仲识扭黎扭去😮😮😮
蚝系会有旧翠玉瓜托一托住佢地蚝好脆身而蚝味好甜，好食！🦪
元贝肉质爽但唔会柴，不过我就唔建议用豉汁蒸，朕味有啲太抢，有少少食唔到元贝本身既味🫣🫣
然后黎到开边虾，虾肉爽弹唔梅👍🏼👍🏼同场加映果几粒蕃薯仔一啲都唔失色！非常绵密😋😋
鱿鱼肠粉都几新奇但味道出奇地夹😮😮用左沙嗲酱令肠粉有种捞左麻酱既错觉，肠粉本身都几滑，鱿鱼捞埋啲沙嗲酱好惹味！
呢个蒸猪颈肉都几好食，系份量方面有啲少，过唔到口瘾🥲🥲
最后黎埋个肉蟹🦀🦀肉蟹好大只！完全唔系水蟹啖啖肉，个钳应该有可能大过龙虾果个，非常好食！顺带一提个剁椒酱几正👍🏼👍🏼
到呢一度，蒸海鲜既部分就完左，系时候等食八宝蒸饭🍚
原本我对个饭系冇乜太大期望，点知——佢大大咁超出左我既期望！
蒸熟左之后，职员就会落豉油、花生、猪油渣同葱花，然后喺你面前起势捞🤤🤤🤤
一食落去，完完全全就系腊味饭既味道！虾酱猪腩肉、豆酱豆卜同银鱼仔真系要tick！佢地系各有各特色既好食！最出色既系佢个饭底，粒粒分明唔会过腍，好有饭香又有咬口！👍🏼👍🏼👍🏼
其实个饭真系好难食得晒，最后我地都系打包走😂😂
最最最后，仲有个糖水送！系红枣杞子桂圆炖雪梨🍐喺咁冻既天气下饮啲咁润既野真系好疗愈🥰🥰
呢度埋单仲要唔洗加一，真系抵到烂！已经谂紧下次几时黎好🤤🤤🤤
张贴
