Pokka Cafe (已結業)

同朋友去到旺角朗豪坊行街买衫睇电影，到夜晚唔知食咩好，朋友提议到雅兰的pokka cafe，呢间是第一次，沙田pokka cafe我地去得多，印象是几有食物要求的一间餐厅，但呢晚我地有少少碰钉，叫了两个餐，一个是牛扒鸡扒餐，另一个是韩式石头窝饭，先讲牛扒鸡扒餐，真是不太好食，由跟餐的面包唔太热(叮都唔叮吓冇诚意)，汤唔特别好味，主菜好一般，饭又超小型(我念少到幼稚园小朋友见到都觉得唔够食)，跟餐的饮品我加钱换了一杯特饮柚子波萝密，来到的时候杯内有3大片姜，我立即夹走3大片姜，因我喉咙痛，所以唔食得姜(本来想饮杯柚子波萝密滋润吓，点知，真是唔知是唔我时运差)，总之就超一般。 另外那个韩式石头窝饭都是好一般货色，饭好湿，唔够热，完全冇嘢讲，另外朋友叫了咖啡，佢话好味(全晚唯一可取的)。pokka cafe努力啦，唔可以再是咁，否则下次一定比差你。