十勝牛和食料理 (已結業)

今日又好夜自放工，就去左天耀呢间日本野食少少野。 佢有宵夜时段既食物架！今次影左d 餐牌俾你地睇，几抵架，但系味道就麻麻。今次男朋友叫左个三文鱼炒饭，而我就叫左个什锦寿司拼盆。个三文鱼炒饭一黎到既时候我第一个反应系：「哗，咁似杨州炒饭既！」哈哈！之后男朋友就话：「咩呀？有d 三文鱼架！」哈哈哈！因为佢真系唔系好多三文鱼。 个味道都真系几似杨州炒饭，又唔系话佢唔好食既，不过就无咩日本既味道。什锦寿司拼盆有五件寿司，全部都普通唔会话好好味咁。想讲下佢个wasabi，好似泥胶咁架，不过味系wasabi 味既，但就唔系好辣咁，哈哈！因为天水围真系比较少日本食店，所以如果夜左又想食日本野既话，就只好拣呢间。如果对味道唔讲究既，呢间野算系几抵。