Sweetology (已結業)

买好飞等睇戏睇早埸，见仲有成45分钟先至入场，咁见仲有咁多时间，我哋就行入去呢间餐厅食嘢啦，因为呢间餐厅就喺戏院入口隔离嘛，原本以为方便快捷，点知就中伏。究竟点样中伏，而家就讲。伏一 : 入到去坐低，嗌好嘢食之后， 足足等咗15分钟先有一杯柠檬茶，好似系hea住比你咁样， 感觉就好似系 "袋住先啦" 咁样。伏二 : 等咗成30分钟，仲要向侍应三催四请先至有份早餐到枱，大佬我赶入场睇戏呀，得番少少时间，要我擒擒青咁食， 想唔燥底都唔得呀伏三 : 难食松饼、炒蛋、肠仔$38，份餐又迟嚟，啲嘢又唔好食，两件pancakes都腍ber ber，而且又冇煎香，感觉好似系微波炉叮出嚟咁，炒蛋还算ok都算滑，条肠都系正正常常猪肉肠咁啰。冻柠檬茶，味道好一般，冇乜茶味。服务又差！出菜又慢！嘢食又唔好味！ 下次真系唔会再嚟食！ 好彩我哋食得快，如果唔系就赶唔切入场睇戏，真系好唔开心啰。