味閣海南雞飯專門店 (已結業)

呢日食晏时间再嚟到观塘apm 五楼嘅food court 食饭。今次拣咗《味阁海南鸡饭专门店》。叫咗个麻辣汤底三𩠌河粉，三𩠌分别拣咗牛丸、鱼蛋及墨鱼丸配冻可乐，一共$60。汤底望落带点橙红，以为好惹味，点知饮落冇闻冇味又唔够咸，只有轻微嘅麻辣味，好似沟左好多水咁。墨鱼丸、牛丸口感同味道非常普通。另外，餐厅用咗鱼片代替鱼蛋，鱼片味道极唔新鲜，虽然河粉嘅份量都算多，但老实讲，呢碗河粉我真系觉得唔好食，就算畀再多河粉都冇用。好在罐装可乐都仲够冻。