影片
更多
2016-11-07
1097 浏览
深水埗茶记或者中菜一啲都唔难揾，但要好食就唔系好易揾到，中过伏好多次，今次呢间睇落唔起眼既餐室竟然令人有惊喜㖞！！！呢到点餐选择好多，喜爱潮州食物既有卤水拼盘或小炒，中意食返普通小菜或炒粉面饭既又有几多选择，如果想食鸡煲打边炉呢到都可以满足到，搞到黑洞点餐时都拣左好耐。潮州蚝仔肉碎粥$33：蚝仔粥可以话系潮州食物必叫之选，煮得香绵糊状，蚝仔量多，反而肉碎呢啲配角少啲，整体不错！海南鸡 半只$98：真系估唔到系呢啲中式菜馆竟然会有海南鸡叫，更估唔到既系竟然会系咁高质，本身想叫海南鸡饭餐六十几蚊，但同朋友想试多啲鸡所以净叫鸡，点知一拎到黎大碟到爆！半只鸡已经咁大只...成个family分黎食都仲得呀！！鸡件全部好厚肉，但肉质好鲜嫩，完全无雪鸡味，比起好多以海南鸡饭做招牌既餐厅都高质，记得以前学煮过海南鸡，先明白要煮出滑嫩鲜鸡拣选鸡既来源系好重要，呢到唔洗一百蚊食到咁高质既鸡的确好抵！朋友食完话要同屋企人黎试下~咕噜鱼 $88：呢到有好多家常小菜选择，六十几蚊左右，由于我系个咕噜控，朋友就陪我食呢个咕噜鱼，如果系咕噜肉就完美喇，可惜佢无~ 量多不在话下，酱汁酸甜度适中，配料有齐菠萝洋葱甜椒等
呢到点餐选择好多，喜爱潮州食物既有卤水拼盘或小炒，中意食返普通小菜或炒粉面饭既又有几多选择，如果想食鸡煲打边炉呢到都可以满足到，搞到黑洞点餐时都拣左好耐。
潮州蚝仔肉碎粥$33：蚝仔粥可以话系潮州食物必叫之选，煮得香绵糊状，蚝仔量多，反而肉碎呢啲配角少啲，整体不错！
海南鸡 半只$98：真系估唔到系呢啲中式菜馆竟然会有海南鸡叫，更估唔到既系竟然会系咁高质，本身想叫海南鸡饭餐六十几蚊，但同朋友想试多啲鸡所以净叫鸡，点知一拎到黎大碟到爆！半只鸡已经咁大只...成个family分黎食都仲得呀！！
鸡件全部好厚肉，但肉质好鲜嫩，完全无雪鸡味，比起好多以海南鸡饭做招牌既餐厅都高质，记得以前学煮过海南鸡，先明白要煮出滑嫩鲜鸡拣选鸡既来源系好重要，呢到唔洗一百蚊食到咁高质既鸡的确好抵！朋友食完话要同屋企人黎试下~
咕噜鱼 $88：呢到有好多家常小菜选择，六十几蚊左右，由于我系个咕噜控，朋友就陪我食呢个咕噜鱼，如果系咕噜肉就完美喇，可惜佢无~ 量多不在话下，酱汁酸甜度适中，配料有齐菠萝洋葱甜椒等，主角鱼肉多过十件，全部都无雪味，属于脆浆薄身，但个人认为咕噜系汁加埋脆厚既炸浆皮先系王道！！！所以呢个就唔合我心水，我谂岩啲中意无咁热气既朋友喇~~
白汁芝士海鲜焗饭 $65：见到呢到有埋各种焗饭叫当然唔会错过，但黎左咁多碟𩠌先知原来咁大碟，最后黎既呢个焗饭份量更加贯切呢到大碟既习惯，呢到焗饭如果系两个细食既女仔share都肯定够饱，黑洞都真系要投降难得系呢到价钱既焗饭无论饭底，𩠌同汁同样超水准，饭是炒饭底兼有调味，唔系果啲白饭仲要焗到淋哂，海鲜唔系求奇平货急涷海鲜，见到大大只青口同埋大虾都有几只，加埋鲍鱼片（当然唔系真果啲鲍鱼）同埋鱼柳两大件鱿鱼等等，六十几蚊面仲比埋芝士焗，仲可以要求啲咩！！！！
两个人 三百蚊都唔洗 食到咁既质素同埋连黑洞都要讲声 饱！！！不过位置比较迫夹，大家迁就下~
张贴
