牛牛台式鴛鴦火鍋

营业中

休息中

一入夜天气就开始吹冷风，去到旺角心思思就想去打边炉，原本谂住去年年都会光顾一次既大窝口，但系去到已经人山人海，连排队既飞都唔派，叫我地9点半后再黎等等........其实果时只不过系7点钟，走落5层好一锅都系相同情况，就由琼华转而阵地去创兴中心。本来创兴都有好多选择.....鸡煲、德兴、马辣、牛牛等等，最后都系得牛牛唔洗等位就入左去，收费$158 唔洗加一 （五、六日公众假期要加$10）坐低简左汤底后，基本除左牛肉同海鲜，其他都系自取服务，质素都系任食果啲，食物较突出就系牛小排、蚬。而一些食物可能存放于冰箱太耐都系硬崩崩。饮品同甜品反而有惊喜，饮品有玻璃樽装汽水、啤酒、热饮、沙冰，都几多元化、甜品就有Dryers雪糕🍦、糯米滋、甜筒、雪条。座位上二人位都几阔，反而5人以上就有啲辛苦，5人要坐4人梳化位，变相十分狭窄，要系咁既空间坐两个钟都有啲辛苦，仲要之后无得调位，变相多人食就会难等到适合坐位，呢度就要注意一下。