影片
更多
2008-07-20
12 浏览
㖊晚同朋友一齐响荃湾Outback食晚饭, 以下就系食物同服务的评语.食物方面:我地一共三个人, 点了三个肉眼扒同两杯Mango Smoothies. 有黑糖面包同洋葱汤跟餐. 黑糖面包同以前一样, 甜甜地同脆脆地, 几好味, 而洋葱汤就真系令人失望, 超劲咸, 就算连面包一齐食都顶唔顺, 我地三个人都只系饮左少少.主菜五成熟的肉眼扒都煎得唔错, 味道唔会过咸, 肉质够腍, 而饮品Smoothies就酸酸地, 几好饮, 不过比起以前, 份量少左一半.服务方面:每次去Outback都有侍应介绍食物, 但系今次冇不特止, 个侍应落单, 落到错哂, 要朋友提议我地自己一个一个好慢咁讲俾佢听. 问佢点解drink list冇汽水选择, 佢只系口头话有, drink list冇包括在内, 咁食客点知价钱呢?到落主菜的时候, 我地坐响落菜位侧边, 睇到有个侍应将人客饮完插住饮管的杯放响四份将要上台的牛扒中间, 碟与杯之间根本冇距离. 好唔好彩其中三碟系我地的, 我即时同上菜的侍应讲, 就系呢个侍应放杯响中间的, 佢讲唔好意思, 跟住将牛扒递俾另外一个唔知系带位定经理的人上菜, 我地再讲一次好唔卫生
食物方面:
我地一共三个人, 点了三个肉眼扒同两杯Mango Smoothies. 有黑糖面包同洋葱汤跟餐. 黑糖面包同以前一样, 甜甜地同脆脆地, 几好味, 而洋葱汤就真系令人失望, 超劲咸, 就算连面包一齐食都顶唔顺, 我地三个人都只系饮左少少.
主菜五成熟的肉眼扒都煎得唔错, 味道唔会过咸, 肉质够腍, 而饮品Smoothies就酸酸地, 几好饮, 不过比起以前, 份量少左一半.
服务方面:
每次去Outback都有侍应介绍食物, 但系今次冇不特止, 个侍应落单, 落到错哂, 要朋友提议我地自己一个一个好慢咁讲俾佢听. 问佢点解drink list冇汽水选择, 佢只系口头话有, drink list冇包括在内, 咁食客点知价钱呢?
到落主菜的时候, 我地坐响落菜位侧边, 睇到有个侍应将人客饮完插住饮管的杯放响四份将要上台的牛扒中间, 碟与杯之间根本冇距离. 好唔好彩其中三碟系我地的, 我即时同上菜的侍应讲, 就系呢个侍应放杯响中间的, 佢讲唔好意思, 跟住将牛扒递俾另外一个唔知系带位定经理的人上菜, 我地再讲一次好唔卫生, 竟然将未食的食物同人地食完的食物放埋一齐, 个带位定经理黑哂口面, 话"咁即系再整过呀? 要等㖞!", 我地几个都有些嬲, 佢冇讲唔好意思, 仲态度咁差, 如果唔系我地都唔会要厨房整过, 之后等左25分钟先有, 仲要系同一个带位黑住口面问"生熟对不对?", 当然都系半句唔好意思都冇啦.
而果两杯Smoothies我地八点半落单, 竟然九点二都未有, 所以催侍应, 佢话整紧, 竟然要到九点半先有, 足足一个钟.
今时今日咁既服务态度, 都算真系有性格喇, 我地以后都唔会再去食野, 费事食一肚气都够饱, 此次消费大约610蚊三位.
张贴