影片
更多
2017-03-26
3897 浏览
Happy Friday 谂住行远d去食lunch，去新都会食日本野-和民，新都会成个商场装修紧，要行成个圈先去到和民，沿途间间餐厅都排晒队，系唯独和民一行埋去就入得，心谂会唔会伏架，不过唔驶等就唔谂咁多。安排坐到最入面，点知想揾个店员比杯水都难，何况落单， 左右隔离D食客一见到有店员行过，个个都即刻捉住佢落单，楼面超级唔够人。落单等咗20-25分钟先有嘢食黎。极上滑蛋鸡肉盒子饭御膳$78有沙律､面豉汤同甜品。 沙律啲菜都几新鲜， 加埋芝麻汁味道都唔错。 面豉汤好淡冇乜味， 不过都几多料，有豆腐干､豆腐同埋昆布。鸡蛋煮得都几滑， 不过鸡肉有好大阵雪藏味， 份量又唔多， 饭多过𩠌， 汁又多得滞 ， 搞到好湿笠笠咁， 味道淡淡地唔系好够味， 整体一般。甜品𠮶杯唔知柚子定系柑嘅啫喱， 鱼胶粉应该落得都几多， 好结实下， 唔甜之余仲有啲涩涩地。滑蛋猪柳锅定食$63呢个等咗半个钟先有得食。 沙律同汤同另外𠮶个餐差唔多， 唔多讲。猪柳切开有六块， 外层面包糠炸得几松脆， 入面几松软多汁， 一啲都唔嚡口，蛋都煮得好滑又唔会过老， 配埋碗白饭都几饱 ，呢个底抵等半个钟。餐饮拣咗热蜂蜜生姜茶， 唔使加钱
安排坐到最入面，点知想揾个店员比杯水都难，何况落单， 左右隔离D食客一见到有店员行过，个个都即刻捉住佢落单，楼面超级唔够人。
落单等咗20-25分钟先有嘢食黎。极上滑蛋鸡肉盒子饭御膳$78
有沙律､面豉汤同甜品。 沙律啲菜都几新鲜， 加埋芝麻汁味道都唔错。 面豉汤好淡冇乜味， 不过都几多料，有豆腐干､豆腐同埋昆布。
鸡蛋煮得都几滑， 不过鸡肉有好大阵雪藏味， 份量又唔多， 饭多过𩠌， 汁又多得滞 ， 搞到好湿笠笠咁， 味道淡淡地唔系好够味， 整体一般。
甜品𠮶杯唔知柚子定系柑嘅啫喱， 鱼胶粉应该落得都几多， 好结实下， 唔甜之余仲有啲涩涩地。
滑蛋猪柳锅定食$63
呢个等咗半个钟先有得食。 沙律同汤同另外𠮶个餐差唔多， 唔多讲。
猪柳切开有六块， 外层面包糠炸得几松脆， 入面几松软多汁， 一啲都唔嚡口，蛋都煮得好滑又唔会过老， 配埋碗白饭都几饱 ，呢个底抵等半个钟。
餐饮拣咗热蜂蜜生姜茶， 唔使加钱， 不过杯边就立立地。
埋单都等咗五分钟先有人嚟，呢间和民好似越做越差，唔怪得Lunch time唔使等位！
张贴
