翔龍拉麵小籠包 (已結業)

约左朋友观塘食晚餐，佢话想食汤面类因为唔想咁热气，真系考起我啊大佬，最后去左呢间。其实好耐之前已试过觉得唔好食，今次俾多次机会佢啦。晚市，唔使等位直入。少少地想健康啲，叫左两个面同埋小龙包。嫩鸡煨面同云吞面啲面都系差唔多，煨过同无煨过分别不大，云吞面𠮶碗仲有碱水味添。而云吞同埋小笼包质素都只系合格，质素合格本身冇问题，但如果考虑埋价格就系唔合格。佢价钱同其他连锁上海菜馆嘅价钱差唔多，但系质素有明显嘅高低。下次我都系留啲机会比其他餐厅。